O candidato nacionalista fixo a súa compra no mercado do Progreso como denuncia da paralización das obras de reforma e mostra do apoio do Bloque ao comercio local

Vigo, 17 de abril de 2015.- O candidato do BNG á alcaldía de Vigo, Serafín Otero, visitou o mercado do Progreso, no que realizou a súa compra diaria, e defendeu que é imprescindible potenciar o comercio de proximidade como unha das ferramentas para xerar emprego.

“Potenciar o comercio local significa poñer trabas as grandes áreas comerciais e esiximos que Vigo faga unha declaración de cidade saturada de grandes áreas comerciais”, subliñou Serafín Otero, quen destacou asemade que para o BNG é fundamental apoiar o pequeno e mediano comercio con medidas fiscais.

Neste sentido o candidato nacionalista defendeu unha rebaixa nas taxas e taxas e impostos municipais aos pequenos estabelecementos locais, de forma que a fiscalidade sexa “moito máis progresiva e beneficie ao pequeno e mediano comercio”.

Revitalizar os centros comerciais abertos existentes na cidade e promocionar os mercados municipais son outras das medidas que destacou Otero durante a súa visita ao mercado. Asemade falou da necesidade de potenciar a Mesa Local do Comercio como axente dinamizador do sector desde o que impulsar políticas públicas de apoio á actividade comercial coa participación directa das asociacións de comerciantes.

Dereito a protestar

Por outro lado, Serafín Otero referiuse á remodelación do mercado do Progreso, cuxa adxudicación se realizou cando o BNG tiña responsabilidades de goberno. “Os comerciantes do mercado están atravesando unha situación complicada debido á paralización das obras”, denunciou.

Segundo criticou os comerciantes sufrindo o atraso das obras da reforma e instalados no mercado provisional. “Pero realmente onde terían que estar a tendendo a súa clientela, que pouco a pouco a van perdendo é na parte de abaixo”, manifestou. ´na parte Levan , polo que

“Foi unha iniciativa do BNG, nós a puxemos en marcha e non entendemos porque a día de hoxe o Concello de Vigo ten esta obra paralizada. Nós esiximos que as aceleren o máximo posible polo ben da cidade e polo ben do pequeno comercio”, subliñou o candidato, para quen os comerciantes teñen “todo o dereito e toda a razón” para formular as súas queixas contra o propio Concello.

En resposta aos medios Serafín Otero comentou as impresións que lle trasladaron os propios comerciantes, algún deles falando incluso de “depresión”, “porque os clientes que se perden logo e difícil recuperalos”. Neste sentido comentou que hai que ter en conta que a inauguración do mercado estaba prevista inicialmente para 2012 e hoxe en día “teñen a incerteza de que aínda non saben a data de cando vai estar en condicións”.

“Pídenos que entremos no Concello, que metamos caña e o antes posible o poñamos en marcha. Desde logo este é o compromiso do BNG, que sempre o foi”, asegurou lembrando as partidas consignadas polo Bloque para a súa realización cando tiña responsabilidades de goberno e cando xa na oposición o grupo municipal realizou varias pregunta no pleno sobre o transcurso das obras.