Iolanda Veloso destaca que as prioridades que ten o BNG non coinciden coas do goberno local nin coas dos populares

Vigo, 26 de febreiro de 2014.- A portavoz municipal do BNG, Iolanda Veloso, subliñou que a cidadanía viguesa é a “gran prexudicada” polos acordos aos que desde hai uns meses chegan o PP e o PSOE. A voceira nacionalista puxo como exemplo que o PP e o goberno local chegan ao acordo de subvencionar aeroliñas “pero non para que se cumpran mocións fundamentais para a xente como o bonobús para persoas desempregadas”.

“Xa detectamos hai meses a conexión entre PP e PSOE e xa denunciamos que isto supón grandes prexuízos aos vigueses e viguesas”, sinalou Iolanda Veloso en resposta ás preguntas dos medios sobre as negociacións que mantén o goberno local cos populares sobre os orzamentos deste anos.

Iolanda Veloso salientou que “curiosamente” as prioridades do goberno local coinciden coas que pon o PP enriba da mesa, pero que “por suposto non son as do BNG”. Para a fronte nacionalista, e dada a grave situación de crise actual, a creación de emprego e a potenciación dos servizos sociais son as cuestións prioritarias nas contas municipais.