Actualidade
IMG_20190507_110601

O BNG presenta o seu programa como un “proxecto en positivo” para darlle a Vigo un novo impulso

A fronte nacionalista presentou o seu programa electoral, con 537 medidas concretas coas que aspiran a facer de Vigo “unha cidade para o pobo, unha cidade de iguais e unha cidade motor de todo un País”.

O candidato do BNG á alcaldía de Vigo, Xabier P. Igrexas, afirmou que teñen “a man tendida a todas as viguesas e vigueses que cren que Vigo merece máis”. “Nós non imos sumarnos ao pim-pam-pum permanente. Non vimos a mazar en ninguén, vimos a contribuír a resolver os problemas e necesidades reais da veciñanza, dos barrios e das parroquias”, resume.

[DESCARGA O PROGRAMA ABERTO DO BNG PARA AS ELECCIÓNS MUNICIPAIS 2019]

Ler novas
plato-tvg-kpMF--620x349@abc

O BNG pide debates entre os candidatos e candidatas para explicarlle á veciñanza os proxectos de cidade que se medirán nas urnas o 26M

O candidato do BNG á alcaldía de Vigo, Xabier P. Igrexas, dirixiu unha carta á presidenta da  Asociación da Prensa de Vigo trasladándolle a súa “disposición total e absoluta” a participar en todos os debates que se organicen.

“Os debates son unha necesidade democrática, unha obriga para as forzas políticas, pero sobre todo un dereito da cidadanía para coñecer as alternativas sobre as que vai ter que decidir”, defende o candidato nacionalista.

Ler novas
5980607eb06da

Xabier P. Igrexas estrea perfil na rede Curious Cat para animar as mozas e mozos a que o coñezan mellor

“Nunha cidade onde hai unha xordeira continúa por parte de quen goberna, o BNG queremos manter unha escoita activa, tamén abertos a críticas para seguir mellorando no proxecto de cidade que queremos”, acrecenta o candidato da fronte

Igrexas abre o seu perfil en Curious Cat baixo o alias de “contradicurso”, o mesmo que xa emprega desde hai anos noutras redes sociais –como Twiter, Facebook ou Instagram– onde xa suma case 9 mil seguidores e seguidoras.

Ler novas
20190428_FT_Xerais

O BNG pon en valor o “aumento espectacular” no apoio recibido polas viguesas e vigueses

“Conseguimos dobrar o número de votos na cidade o que nos coloca nunha moi boa posición para continuar na carreira electoral das vindeiras eleccións do 26 de maio”, valora Xesús López Carreira, número dous ao Congreso pola provincia de Pontevedra

O candidato do BNG á alcaldía de Vigo, Xabier P. Igrexas, cualificou de “magníficas condicións de partida” o resultado local deste 28A e mostrouse certo de que a fronte nacionalista está a coller “impulso e forza” na cidade olívica fronte ao retroceso doutras opcións.

Ler novas
054a388a26391b7e757040f17d92c8b2_XL

O BNG comprométese en Vigo a botar abaixo as reformas das pensións e garantir o dereito a unha pensión pública digna

O candidato do Bloque á alcaldía de Vigo, Xabier P.Igrexas, acompañou ao candidato número 2 ao Congreso, o vigués Xésus López Carreira, nun encontro co Colectivo de Pensionistas e Xubilados/as da CIG, onde avogaron polo “voto útil” o vindeiro 28 de abril para defender as pensións en Madrid

“A xente ten que saber que o BNG vai ser garantía de que esas reformas que acabaron por empobrecer as pensións públicas e por dificultar o acceso a un retiro digno van ser botadas abaixo”, enfatizou Igrexas.

Ler novas
IMG_20190416_110308

O BNG reclama o tren de proximidade para vertebrar o “Vigo metropolitano”

O candidato do BNG á alcaldía de Vigo, Xabier P. Igrexas, remachou a importancia de camiñar cara un modelo de mobilidade do século XXI e insistiu na importancia de conseguir unha conexión de ‘cercanías’ tanto dirección Pontevedra como cara Tui.

A candidata ao Senado por Pontevedra, Cecilia Pérez Orxe, enfatizou o compromiso do BNG por defender en Madrid a mellora substancial dos camiños de ferro en Galiza.

Ler novas

O BNG comprométese a mellorar o servizo de autobús urbano para “revolucionar a cidade cunha mobilidade do século XXI”

O candidato do BNG á alcaldía de Vigo, Xabier P. Igrexas, demanda unha mellora do servizo co aumento de frecuencias, redución dos tempos de viaxe, e un novo mapa de liñas para conectar mellor “toda a cidade, non só o centro” e infraestruturas como o HAC, as estacións de tren, o CUVI ou o aeroporto.

A formación nacionalista vai facer do transporte colectivo “unha aposta estratéxica e da máxima importancia” no seu programa electoral para “avanzar cara unha mobilidade máis sostíbel e humana que revolucione a cidade para mellor”.

Ler novas
20190404_FT_RecheosRía

O BNG de Vigo oponse frontalmente ao proxecto de novo recheo de Bouzas e pide a súa cancelación

O candidato do BNG á alcaldía de Vigo, Xabier P.Igrexas, ve primordial que o Concello tamén se pronuncie e diga que “o tempo dos recheos xa rematou” e se poñan en marcha outros proxectos “máis urxentes” para potenciar o Porto como a conexión ferroviaria de Bouzas.

“Está inxustificado seguir gañándolle terreo á ría para aparcar coches cando parece que por fin van poñerse en marcha en semanas os 200.000 metros cadrados da Plisan que si reúnen as condicións óptimas para almacén de mercadorías”, dixo o candidato

Ler novas