Imprimir

O BNG chama a apoiar o comercio local de Vigo e anima a mercar produtos galegos

BNG Vigo | 21 de Decembro de 2018

Xabier P. Igrexas, candidato á alcaldía do BNG.
Xabier P. Igrexas, candidato á alcaldía do BNG.

O candidato do BNG á alcaldía, Xabier P. Igrexas, demanda que se declare a cidade “saturada de grandes áreas comerciais”, se reduza a fiscalidade do pequeno comercio e o Concello realice campañas de promoción durante todo o ano.

O deputado Luís Bará, contrapón a aposta do Bloque polo comercio local fronte a un PP “que actúa de cabalo de Troia das multinacionais”

O BNG realizou esta mañá no Calvario un reparto encadrado na campaña que a formación nacionalista está a desenvolver todo o País en apoio do comercio local. Durante o reparto, no que participaron o candidato á alcaldía, Xabier P. Igrexas, o deputado no Parlamento galego,  Luís Bará, o Bloque demandou que tanto a Xunta como o Concello de Vigo poñan en marcha políticas para dinamizar o desenvolver o pequeno e mediano comercio. 

“Desde o BNG apostamos polo comercio local, tradicional, de proximidade fronte a un PP que actúa como cabalo de Troia das multinacionais do sector e usa e abusa da lei para implantar grandes superficies comerciais”, declarou o Luís Bará. O deputado nacionalista reiterou o rexeitamento da fronte nacionalista aos proxectos de Porto Cabral ou o grande centro comercial que o Celta pretende instalar en Mos. 

Pola súa banda, Xabier P. Igrexas, demandou que o Concello de Vigo promocione o comercio local “o que vertebra a cidade, dinamiza os nosos barrios e crea emprego estábel” para alén de actuacións puntuais. Neste sentido, o candidato do  BNG á alcaldía, reclamou que se declare Vigo “cidade saturada de grandes áreas comerciais” e se aplique unha moratoria de dez anos na concesión de novas licenzas para estes estabelecementos. “Se algo temos de sobra en Vigo son grandes centros comerciais, que xa demostraron que só serven para destruír o tecido comercial local e emprego, e que só benefician a grandes corporacións empresariais”, defendeu. 

Igrexas propuxo ademais a rebaixa da fiscalidade municipal para o pequeno e mediano comercio e que o Concello de Vigo “despregue campañas de promoción durante todo o ano”. O candidato nacionalista demandou tamén a revitalización dos mercados municipais. 

Podes ver este artigo na próxima dirección /articulo/goberno-local/bng-chama-apoiar-comercio-local-vigo-anima-mercar-produtos-galegos/20181221161806003904.html


© 2019 Bloque Nacionalista Galego de Vigo

Bloque Nacionalista Galego de Vigo

Rúa Celso Emilio Ferreiro 3, baixo
36203, Vigo (GALIZA)
Teléfono: 986447300
Correo: vigo.cidade@bng.gal 

facebook twitter youtube whatsapp telegram instagram flickr