Imprimir

Chamamos á veciñanza de Vigo a mobilizarse no Día da Patria Galega

BNG Vigo | 19 de xullo de 2018

Luis Bará chama a participar da manifestación do Día da Patria Galega a toda a cidadanía de Vigo que queira a Galiza e desexe futuro digno na nosa terra.

O BNG realizou esta mañá en Vigo un acto de rúa para a difusión do Día da Patria Galega. Diante do mercado do Calvario, o deputado nacionalista Luis Bará, xunto a outras persoas integrantes do Bloque Nacionalista Galego, participaron deste acto de difusión no que tamén se agasallaron bandeiras galegas á veciñanza. En declaracións de Bará, o 25 de xullo de 2018 “tórnase unha data se cabe máis especial” xa que se cumpren os 50 anos da recuperación do Día da Patria Galega. “Foi en 1968 cando o nacionalismo, desafiando o franquismo e a represión, reivindicou de novo este día”, afirmou o deputado nacionalista. Para Bará, o Día da Patria Galega é unha data “para celebrar o orgullo de pertencer a Galiza e para defender os dereitos sociais e nacionais do noso pobo”.

Nese sentido, explicou que o lema co que o BNG convoca a mobilización deste Día da Patria Galega, “Unha idea clara: sumar por Galiza” fai referencia ao compromiso do nacionalismo de aglutinar a toda a diversidade e pluralidade do pobo galego que desexe unha Galiza mellor, con traballo e oportunidades, con dereitos sociais e liberdade de expresión, unha Galiza ceibe soberana con dereito a decidir sobre o seu propio futuro.

Podes ver este artigo na próxima dirección /articulo/vigo/bng-reivindica-vigo-dia-da-patria-galega-cumpre-50-anos-da-sua-celebracion/20180719210228003800.html


© 2019 Bloque Nacionalista Galego de Vigo

Bloque Nacionalista Galego de Vigo

Rúa Celso Emilio Ferreiro 3, baixo
36203, Vigo (GALIZA)
Teléfono: 986447300
Correo: vigo.cidade@bng.gal 

facebook twitter youtube whatsapp telegram instagram flickr