O BNG de Vigo urxe que se reparen as deficiencias na Casa do Patín
- O concelleiro, Xabier P. Igrexas, demanda ao Goberno municipal que atenda as denuncias de usuarias que alertan da existencia de pingueiras e filtración de augas fecais.
- As deficiencias aparecen pouco tempo despois da súa inauguración e afectan sobre todo a sala de lectura e estudo.
Poucos meses despois após a súa apertura, a Casa do Patín, en Bouzas, presenta algunhas deficiencias que impiden o seu uso pola veciñanza.
Segundo denunciaron persoas usuarias, cando chove son frecuentes as pingueiras e tamén se detectaron filtracións de augas fecais do exterior. Diante desta situación o BNG urxe o Goberno a acometer coa maior celeridade as actuacións necesarias para resolver o problema.
O espazo máis afectado sería a sala de lectura o que provoca un evidente prexuízo ao estudantado que fai uso das instalacións.
“O Concello ten que actuar coa máxima axilidade. A veciñanza de Bouzas non pode ver como unha dotación demandada durante moitos anos non está operativa, con pingueiras e filtración de augas fecais”, reclamou Igrexas.
Máis novas
