A fronte nacionalista considera insuficientes as medidas adoptadas polo Concello para protexer os miles de fogares afectados polo incremento “inaceptábel” da tarifa eléctrica.

Xabier P. Igrexas: “A única medida concreta que ten despregado o Goberno municipal é un convenio con Naturgy de apenas 50mil euros para a mellora da eficiencia enerxética do que só se poden beneficiar un máximo de 25 fogares”.

As nacionalistas propoñen que este organismo asesore ás persoas consumidoras con dificultades para afrontar a acumulación de facturas que están a practicar as empresas.

Xabier P. Igrexas: “Sería un instrumento moi importante para abrigar e dar apoio público aos fogares que están nunha situación de desprotección diante deste tipo de abusos”.

Despregarán puntos informativos e mesas de recollida de sinaturas en todos os barrios e parroquias da cidade.

Carmela González: “As novas tarifas prexudican gravemente as familias traballadoras e as empresas do noso País e só beneficia ao lobby das grandes eléctricas. As mesmas empresas que teñen os seus consellos de administración cheos de exministros de PSOE e PP”

A fronte nacionalista demanda a rebaixa do IVE, a creación dunha empresa enerxética pública e a posta en marcha dunha tarifa eléctrica galega.