A deputada, Carmela González, trasladará unha serie de iniciativas para esixir que a Xunta, como autoridade laboral, garanta o cumprimento dos protocolos preventivos, o dereito aos descansos e que non se siga subvencionando con diñeiro público a precariedade laboral.

Os sindicatos CIG e CUT denuncian que se está reducindo o tempo efectivo de descanso, que non se reduciu nin a carga nin o ritmo de traballo e que non hai transparencia na xestión do impacto da Covid no cadro de persoal. Máis do 60% do plantel está contratado a xornada parcial de 4h.