O concelleiro, Xabier P. Igrexas, e a deputada, Montse Prado, mantiveron un encontro con este colectivo e expresaron o seu apoio á demanda de máis persoal e mellores condicións laborais no ámbito sanitario.  

Prado anunciou que promoverán varias propostas de resolución no Debate do Estado da Nación que se realizará esta semana no Parlamento de Galiza, pedindo a fin dos recortes, da precariedade e da privatización sanitaria.

Igrexas demandou un “xiro de 180º” para que a Xunta do PP deixe de xogar coa saúde das persoas.