Bloque Nacionalista Galego de Vigo :: Últimas novas - Iniciativas Políticas

O BNG celebra o aumento de preto dun 40% dos votos en Vigo este 10N

BNG Vigo — Mon, 11 Nov 2019 00:30:37 +0100

O candidato número 2 pola circunscrición de Pontevedra, o vigués Xesús L. Carreira, valorou que se atinxiron os tres obxectivos do Bloque: “Frear a ultradereita, sumar moitos máis apoios en Vigo e que Galiza recupere voz propia en Madrid”.
A fronte nacionalista atinxiu preto de 10 mil votos o que supón un incremento do 38% en relación aos comicios do 28A.

O Bloque comprométese a facer valer Vigo no Congreso a partir do 10N

BNG Vigo — Wed, 6 Nov 2019 20:00:30 +0100

O candidato número dous pola circunscrición de Pontevedra ao Congreso, o vigués Xesús L. Carreira, apela a “sumar en positivo co BNG fronte ao fracaso das forzas políticas estatais”.
Xabier P. Igrexas: “Chamamos as viguesas e os vigueses a votar BNG o 10N para facer que Galiza recupere voz e voto en Madrid. Coa forza de Vigo lograremos poñer fin a estes anos de silenciamento”.

O BNG de Vigo repróchalle a Pedro Sánchez o seu veto reiterado a unha tarifa eléctrica galega para potenciar a actividade industrial

BNG Vigo — Sat, 5 Oct 2019 20:58:20 +0200

O concelleiro do BNG en Vigo, Xabier P. Igrexas, lembrou que o actual presidente do Goberno e candidato socialista -de visita hoxe na cidade- non permitiu reducir a factura eléctrica ás industrias galegas como si o fixo con Euskadi.
Pérez Igrexas afeoulle ao cabeza de cartel do PSOE que durante todos os seus meses á fronte do Goberno español “o compromiso con Vigo no BOE foi practicamente nulo”.
Diante dos comicios do 10N defenden que é “imprescindíbel” para Vigo e para Galiza ter unha “voz propia no Congreso” sen dependencias.

O BNG aposta polo pequeno comercio local e de proximidade para dinamizar os barrios e vertebrar a cidade

BNG Vigo — Tue, 21 May 2019 17:41:56 +0200

“Lamentamos que a única medida en materia de política comercial do actual goberno municipal sexan 9 millóns de euros en luces led en nadal”, apuntou o candidato nacionalista á alcaldía, Xabier P. Igrexas
O Bloque propón unha moratoria por dez anos nas concesións de novas licenzas para grandes superficies, promocionar e modernizar os mercados municipais ou poñer en marcha campañas de promoción do consumo de produtos locais e de proximidade.

Xabier P. Igrexas: “O Concello ten que ofrecerlle moito máis á mocidade de Vigo que selfies co alcalde de turno”

BNG Vigo — Sun, 19 May 2019 20:07:04 +0200

O candidato do BNG á alcaldía de Vigo defende recuperar os programas xuvenís suprimidos e poñer en marcha unha Rede de Espazos Xuvenís nos barrios e parroquias.

A fronte nacionalista aposta por dedicar máis esforzos desde o Concello para posibilitar que a mocidade se emancipe e poida emprender o seu proxecto de vida, con políticas no ámbito do emprego e a vivenda

O BNG elevará a protección dos montes de Vigo e do río Lagares para avanzar cara a unha “cidade máis verde”

BNG Vigo — Sun, 19 May 2019 03:01:41 +0200

O candidato á alcaldía, Xabier P. Igrexas, reitera a súa oposición frontal ao proxecto do macrocentro comercial Porto Cabral.
A fronte nacionalista comprométese a aumentar o apoio municipal para poñer en valor os montes da cidade e convertelos nun “grande parque periurbano” e a declarar o río Lagares un “espazo natural de interese local”.

Xabier P. Igrexas: “O Concello de Vigo ten que ser un axente activo na normalización e promoción do galego"

BNG Vigo — Fri, 17 May 2019 21:17:58 +0200

_O candidato do BNG á alcaldía de Vigo, Xabier P. Igrexas, participou da manifestación convocada pola plataforma cidadá Queremos Galego na que participaron máis de 2 mil persoas.
_“PP e PSOE, na Xunta e no Concello, coinciden en reducir a defensa da lingua galega a unha cuestión ritual e ceremonial. Nós dicimos que hai que apostar polo noso idioma non só o 17 de maio, senón todos os días do ano” defendeu Igrexas.

O BNG propón unha renda social municipal para facer do combate da pobreza e o empobrecemento unha prioridade

BNG Vigo — Thu, 16 May 2019 17:59:06 +0200

_O candidato á alcaldía, Xabier P. Igrexas, comprométese a converter o albergue nun verdadeiro centro de inlusión social con capacidade para evitar que ningunha persoa teña que durmir na rúa por falla de alternativa.
_A fronte nacionalista defende tamén dotar de máis medios os servizos sociais municipais, hoxe colapsados, duplicando o seu persoal, e a posta en marcha dun Parque Municipal de Vivendas Sociais.

O BNG demanda desde Bouzas reconciliar a cidade co seu litoral e reitera a súa oposición a novos recheos na Ría

BNG Vigo — Sun, 12 May 2019 19:07:23 +0200

_O candidato do BNG á alcaldía de Vigo, Xabier P. Igrexas, comprométese a impulsar que se complete a rexeneración integral da Ría de Vigo exixindo a implicación de Xunta e Goberno español.
_A fronte nacionalista defende que o desenvolvemento do Porto de Vigo pasa pola posta en marcha da Plisan e a conexión ferroviaria da terminal de Bouzas e ratifica a súa “oposición radical” a novos aterramentos.

Xabier P. Igrexas: “Queremos facer de Vigo unha cidade de iguais, con políticas radicalmente feministas para converternos nun territorio libre de machismo”

BNG Vigo — Sat, 11 May 2019 17:16:03 +0200

O candidato do BNG á alcaldía de Vigo, Xabier P. Igrexas, enfatizou o compromiso feminista do seu proxecto de cidade nun acto público realizado no Calvario.