O BNG de Vigo demanda unha elaboración participativa dos novos orzamentos municipais
A fronte nacionalista pide que se poñan en marcha mecanismos que permitan a participación directa da veciñanza e do tecido asociativo para definir as contas do vindeiro ano.
Xabier P. Igrexas: “Queremos uns orzamentos de toda a cidade e non só do capricho de Abel Caballero. É hora de que Vigo avance cara a uns orzamentos máis participativos e democráticos, que respondan en maior medida ás necesidades reais do conxunto da cidade”.