A fronte nacionalista pide que se poñan en marcha mecanismos que permitan a participación directa da veciñanza e do tecido asociativo para definir as contas do vindeiro ano.

Xabier P. Igrexas: “Queremos uns orzamentos de toda a cidade e non só do capricho de Abel Caballero. É hora de que Vigo avance cara a uns orzamentos máis participativos e democráticos, que respondan en maior medida ás necesidades reais do conxunto da cidade”.

Propoñen dedicar 23,5 millóns de euros a axudas directas ao comercio, hostalaría, industria cultural e o tecido asociativo, aumentar substancialmente os recursos do Plan Municipal de Emprego e despregar un plan de actuacións e melloras en todos os barrios.

Xabier P. Igrexas: “Vigo non pode seguir sendo a única das sete grandes cidades galegas que non ten mobilizado nin un só euro para axudar o pequeno comercio ou a hostalaría”.

A fronte nacionalista formulou 78 emendas parciais con propostas concretas para "poñer no centro da política municipal as necesidades do pobo".

Tres novas escolas infantís municipais, dúas novas bibliotecas, dedicar 3 millóns de euros ao Plan Municipal de Emprego, aumentar as partidas dedicadas a políticas de Igualdade, dotar de máis medios os programas sociais e crear unha nova axuda ao alugueiro, son algunhas das medidas que defenden.

Xabier P. Igrexas: "Vigo non pode permitirse gastar máis en atencións protocolarias que do que gasta en todo ano en campañas de sensibilización contra a violencia machista.

A fronte nacionalista defende un cambio de modelo para converter os organismos consultivos do Concello en “espazos de participación efectiva e de codecisión”.

Xabier P. Igrexas: “Volvemos ter uns orzamentos elaborados polo PSOE tendo en conta só a opinión do PSOE. Urxe avanzar cara a unha democracia participativa e real que permita sumar ideas, vontades e esforzos”.

_Propoñen aumentar substancialmente as partidas de política social, emprego, igualdade, cultura e medio ambiente.

_Apostan nunha xestión municipal máis pública e participativa.