A fronte nacionalista reiterou á Favec o seu completo apoio perante a ameaza de desaloxo da sede que ocupan desde hai varias décadas.

Demandan un novo regulamento de participación cidadá para alargar o papel protagónico da veciñanza e dos movementos sociais.

Xabier P. Igrexas: “Democracia non é só votar cada catro anos. Democracia é sobre todo diálogo e participación. É escoitar, sobre todo a quen pensa diferente. Como se fai no movemento veciñal todos os días”.

A fronte nacionalista propón retirar as restricións para conformar grupos municipais, aumentar a capacidade de control e iniciativa política da oposición, e despregar novos medios de participación directa da veciñanza e dos colectivos sociais no Pleno.

O Bloque rexeita a pretensión do Goberno municipal de “doparse” duplicando as intervencións do PSOE, que provocarían que o grupo de goberno intervise 13 minutos fronte aos apenas 2 que se lle permiten ao concelleiro nacionalista.

Xabier P. Igrexas: “O BNG queremos reforzar o papel do Pleno fronte a quen quere reducilo a unha función ornamental e residual. Queremos máis transparencia, máis pluralidade e máis participación. En síntese: máis e mellor democracia municipal”.

_A fronte nacionalista reclama que se publiciten de maneira activa as convocatorias, que a emisión en liña das sesións se faga tamén desde a portada do portal web do Concello e que se dispoñibilicen todos os vídeos dos plenos xa realizados.

_Xabier P. Igrexas: “É absurdo que as viguesas e os vigueses poidamos ver calquera pleno ou comisión celebrada no Parlamento galego ou no Congreso, pero non os plenos do Concello”

A fronte nacionalista defende un cambio de modelo para converter os organismos consultivos do Concello en “espazos de participación efectiva e de codecisión”.

Xabier P. Igrexas: “Volvemos ter uns orzamentos elaborados polo PSOE tendo en conta só a opinión do PSOE. Urxe avanzar cara a unha democracia participativa e real que permita sumar ideas, vontades e esforzos”.

Propoñen reservar unha partida de como mínimo 1 millón de euros para que a través de mecanismos de participación directa, de colectivos e veciñanza, se decida o seu uso.

Xabier P. Igrexas: “A mellor maneira para garantir que os orzamentos atenden as necesidades reais da veciñanza e dos nosos barrios e parroquias, é contar coa súa opinión”

Xabier P. Igrexas critica que o Goberno municipal inda non presentou o borrador do novo PXOM a pesar de ter prometido telo listo antes de que finalizase o pasado ano 2019.

A fronte nacionalista pide que o deseño urbanístico da cidade se elabore fóra "da opacidade dos despachos".