O BNG propón frear en seco a proliferación de pisos turísticos en Vigo cunha ordenanza municipal

Xabier P. Igrexas, portavoz municipal do BNG de Vigo
Xabier P. Igrexas, concelleiro e portavoz do BNG de Vigo

A fronte nacionalista chama a regular nos primeiros 100 días do novo mandato esta “ameaza ultraespeculativa” na cidade, con máis do dobre de vivendas turísticas que dispoñíbeis para alugueiro residencial

Xabier P. Igrexas: “Hai que facer prevalecer o dereito social a unha vivenda fronte á cobiza duns poucos nun contexto no que os prezos aumentaron un 50% en cinco anos”

O BNG propón frear en seco a proliferación de pisos turísticos en Vigo cunha ordenanza municipal

O Bloque Nacionalista Galego propón frear a proliferación de pisos turísticos en Vigo coa posta en marcha dunha ordenanza municipal. Así o avanzou este mércores o concelleiro e portavoz do BNG, Xabier P. Igrexas, que chamou a regular nos primeiros 100 días do novo mandato esta “ameaza ultraespeculativa” na cidade, onde hai hoxe máis do dobre de vivendas turísticas que dispoñíbeis para alugueiro residencial.

“Diante do gravísimo problema do acceso social á vivenda na nosa cidade, dende o BNG temos que urxir máis unha vez a tomar medidas no ámbito local para frear este fenómeno, tal como están facendo outros concellos galegos e do Estado”, valorou Igrexas, que trasladará esta proposta na vindeira sesión da Xerencia de Urbanismo, co obxectivo de fixar este compromiso de cara ao inicio do novo mandato previsto para o próximo do 17 de xuño.

O portavoz do BNG demandou esta ordenanza para que o Concello de Vigo impida que se incremente máis a oferta de vivendas de uso turístico

Ademais, pediu actuar “con determinación” fronte ás “evidentes ilegalidades e irregularidades” no funcionamento deste tipo de vivendas, que superan as 1.100 na actualidade e que, segundo previsións do sector, poden chegar ás 1.500 nos vindeiros meses.

“Hai que facer prevalecer o dereito social a unha vivenda fronte á cobiza duns poucos”, reclamou Igrexas. Nese sentido, lembrou que na actualidade os prezos incrementaron por volta dun 50% no último lustro, situando o prezo medio dunha vivenda por riba dos 700 euros mensuais e o dunha habitación nun piso compartido excede os 350 euros por mes.

O BNG propón frear en seco a proliferación de pisos turísticos en Vigo cunha ordenanza municipal