O Bloque Nacionalista Galego vai solicitar a convocatoria extraordinaria e urxente da Comisión Informativa de Seguridade do Concello de Vigo para abordar o “caos perigosísimo” que se viviu este venres, no que a cidade ficou colapsada durante horas. Demandan que nela compareza a concelleira delegada de Seguridade, Patricia Rodríguez Calviño.

O Portavoz municipal do BNG de Vigo, Xabier P. Igrexas, lembrou que a fronte nacionalista xa solicitara hai dous meses un verdadeiro plan de tráfico e de seguridade, que incluíse medidas como a instalación de aparcamentos disuasorios e o reforzo do servizo de bus urbano con lanzadeiras desde estes para evitar que se volvese repetir, como así sucedeu, o vivido no nadal do ano pasado, con escenas como peóns atravesando túneles, retencións quilométricas durante horas e o bloqueo do transporte urbano e dos taxis. 

Ni hay policía, ni se la espera. Alguien mañana calificará este despropósito de 'éxito'. pic.twitter.com/yCwmYbv7YW

— Vecinos Zona Centro de Vigo (@zonavigocentro) December 1, 2023

Para o BNG é especialmente grave o vivido onte por non se tratar dunha situación sobrevida ou inesperada. “Isto non é algo inesperado, é algo provocado por un caprichoso modelo de Nadal que sigue concentrado nunhas poucas rúas do centro e pola obsesión do Alcalde polas grandes masas de xente”, denuncia Igrexas.

“O desgoberno de Abel Caballero é unha ameaza para a seguridade pública”, afirma Igrexas, denunciando a falla de medidas efectivas. “Hai uns días o alcalde anunciaba 11 corredores de emerxencias, pero o que vimos onte foron ambulancias e vehículos de emerxencia que non lograban avanzar en medio do tapón de tráfico”, reprocha. 

Dónde está el Plan de Seguridad? El Plan de Movilidad ? @abelcaballero #NavidadSiPeroAsíNo pic.twitter.com/REGLODPDSA

— Vecinos Zona Centro de Vigo (@zonavigocentro) December 1, 2023

Desde o BNG cuestionan tamén o operativo de control de accesos nos que se puido ver a persoal voluntario de protección civil e doutras entidades privadas dirixindo o tráfico sen a capacitación necesaria e sen supervisión da Policía Local. “É de tolos pensar que dando un pito e un chaleco reflectante se pode ordenar un colapso de tráfico dese tamaño”, enfatizou.

Así ordena el tráfico @abelcaballero, con "voluntarios" en lugar de Policía Local y faltando el respeto a gritos a los conductores. ¿Esa es la manera de tratar a vecinos y visitantes?#vigo #Navidad pic.twitter.com/jGpZ71GWYi

— HERMESTV (@HERMESTVVIGO) December 1, 2023

Igrexas urxe a revisión das previsións en materia de tráfico e de seguridade, unha vez confirmado o “rotundo fracaso” das aplicadas até agora, para evitar que o Nadal se converta nunha “agonía de seis semanas” que faga a cidade intransitábel, insegura e inhabitábel.