O BNG participou novamente na mobilziación de SOS Sanidade Pública en Vigo para loitar contra a pretensión do PP de modificar a Lei de Sanidade co obxectivo de desmantelar os hospitais comarcais. Mobilizámonos contra este proxecto de reforma que pretende perpetuar as estruturas de xestión integrada, que someten á atención primaria ás xerencias hospitalarias, en detrimento da promoción, prevención e atención cercana. Porque privatiza a formación a investigación e a innovación sanitarias, consolidando a Axencia Galega para a Xestión do Coñecemento en Saúde, penetrada por empresas multinacionais. Estamos loitando na rúa e nas intitucións contra a reforma do PP porque reduce e limita a participación social no control da Sanidade Pública Galega.

Nin un paso atrás na defensa da sanidade pública galega!