Fai un chamamento á participar na manifestación de Vigo en defensa da Sanidade pública e contra os recortes e privatizacións do Partido Popular
A portavoz nacional, Ana Pontón, mantivo un encontro en Vigo con profesionais e responsábeis de empresas que apostan pola innovación nos seus procesos produtivos, a quen trasladou a dupla “aposta estratéxica” do BNG: Duplicar os fondos públicos en I+D+I para aproveitar o potencial do país e xerar emprego de calidade e un Plan Retorna para facilitar a volta do talento e da xente moza emigrada. O responsábel local do BNG en Vigo, Serafín Otero, salientou a importancia de converter Vigo na capital galega da innovación coa creación dun centro metropolitano de desenvolvemento tecnolóxico para o desenvolvemento do emprego e o coñecemento compartido en Galiza.
