A voceira municipal criticou que “xusto agora que o goberno municipal saca a concurso a adxudicación do Jonathan’s en Samil recupera o proxecto da chamada milla verde”, e cualificou de culebrón esta iniciativa, da que o alcalde empezou a falar en 2008 e que non se materializou até agora.

Segundo manifestou a portavoz nacionalista, que o proxecto da milla verde reapareza agora máis parece propaganda electoral que un compromiso real de recuperación ambiental do contorno natural de Samil,

O BNG considera inaceptábel que se volva a sacar a concurso unha concesión de uso privado na liña da costa, xa que hipoteca polo menos 30 anos máis a recuperación integral da praia de Samil, incumprindo ademáis o recollido no PXOM: eliminación de muros, derrubo de edificacións, recuperación do sistema dunar e ampliación do areal.

A voceira do grupo municipal do BNG indicou tamén que o interese electoralista da proposta da milla verde evidenciase igualmente na posición do PP, que hai tan só un ano denunciaba a falta de diálogo cos veciños e a improvisación do proxecto, e agora afirma que se trata dunha cuestión de cidade e reclama consenso.

Iolanda Veloso, na súa comparecencia, afirmou que “o PP e o PSOE pactaron non para resolver os problemas desta cidade, senón para repartirse os réditos electorais”.