O grupo municipal do BNG mantivo unha xuntanza este mércores coa dirección da Federación de Asociacións Veciñais “Eduardo Chao”, para explicar as emendas presentadas polo Bloque aos orzamentos municipais. No encontro, o portavoz municipal nacionalista salientou a importancia da participación cidadá “como elemento indispensable da hixiene democrática”.

Santi Domínguez sinalou que ademais de incluir un aumento das partidas de emprego e servizos sociais, o BNG presentou nas emendas aos orzamentos a sinatura de convenios coa Favec e co Centro Cívico de Teis, de 70.000 e 55.000 euros respectivamente, tal e como xa demandou o grupo nacionalista a respecto dos orzamentos vixentes. “Cremos na participación da cidadanía na toma de decisións e esta é a mellor forma de demostralo”, asegurou.

O nacionalista destacou que as propostas elaboradas polo Bloque son froito do “permanente diálogo co movemento asociativo”. Ao seu xuízo, esta é a “única forma de dar resposta ás necesidades reais dos vigueses e viguesas”.