A portavoz municipal do BNG, Iolanda Veloso, aclarou que os orzamentos municipais que o goberno local levará ao vindeiro pleno da corporación para a súa aprobación “non hai ningunha partida para as becas de inglés”. En resposta aos medios, a nacionalista asegurou que estas contas “están exactamente como na aprobación inicial”.

Iolanda Veloso afirmou que o BNG “xa deixou claros os criterios para aprobar os orzamentos”, como son continuar na liña da creación de emprego, co mantemento do Plan de Emprego Municipal, e o impulso dos servizos sociais, coa creación do Plan de Compensación contra a crise.

A nacionalista asegurou que no contexto actual, a formación nacionalista non consiera que este sexa un programa prioritario nin que se atope entre as competencias do Concello, tal e como apuntan os informes municipais, senón que parece “un capricho persoal do alcalde que terá que ver como o leva adiante sen afectar a estes criterios”.