aniversario

A fronte nacionalista celebra un ano da toma de posesión do seu concelleiro, Xabier P. Igrexas, cunha campaña nas redes sociais baixo o lema #EnBloquePorVigo, na que difundirán vídeos de persoas representativas de diferentes sectores nos que valoran o que supuxo o retorno do BNG á Corporación Municipal.

A escritora María Reimóndez, o atleta Victor Currás, o secretario comarcal da CIG Alberto Gonçalves, a filósofa Carme Adán, o histórico sindicalista Manuel Mera ou o activista veciñal Anxo Igrexas, son algunhas das voces que partillarán a súa visión sobre o traballo realizado polo Bloque nos últimos doce meses.