auga

_A modificación da ordenanza, aprobada en solitario polo Goberno municipal, inda non é definitiva ao non se ditaminar as alegacións veciñais nin se volver levar a Pleno.  

_A fronte nacionalista demanda un debate social amplo para reformar a ordenanza cunha nova tarifa dentro dun novo modelo de xestión pública dun ben esencial como é a auga.

A fronte nacionalista mantivo un encontro telemático coa Asociación de Galega Consumidoras/es e Usuarias/os (Acouga), na que coincidiron nas súas críticas cara o novo recibo da auga.

Acouga anunciou que presentará unha alegación contra a modificación aprobada polo Goberno municipal e non descarta emprender outras accións pola vía administrativa ou xudicial.

O Bloque iniciou onte unha campaña de denuncia nas redes sociais baixo o lema “Nova tarifa da auga en Vigo? Mesma estafa!”.

O pasado 30 de setembro o Pleno do Concello de Vigo aprobaba, só cos votos do grupo de Goberno, e coa oposición frontal do BNG, a modificación da ordenanza fiscal que fixa a tarifa do servizo de abastecemento e saneamento de auga da nosa cidade.

Xabier P. Igrexas: “Abel Caballero cambia a estrutura da factura, aumentando un 276% os custes fixos, para quedar máis menos como estamos. Non é aceptábel. Iso non é o que reivindicou desde hai moitos anos a veciñanza da cidade”.

A fronte nacionalista formulou 38 emendas ás ordenanzas fiscais do 2021 que apostan “nunha fiscalidade municipal socialmente xusta”, alargando bonificación e exencións ás rendas máis baixas.