A fronte nacionalista demanda máis recursos para o MARCO e unha rectificación das políticas culturais que aposte en revitalizar a Rede Museística que perdeu case a metade de visitantes desde 2011.

Xabier P. Igrexas: “É triste que en lugar de reivindicar como merecen pezas como O Sereo, que é a verdadeira icona de Vigo, haxa quen coa súa frivolidade caprichosa teña apostado na caricatura dos dinosetos e peixesetos”.

O concelleiro e candidato á alcaldía do BNG visitou a exposición “O Antropomórfico” da man do escultor Francisco Leiro, que cualificou de “magnífica” e á que animou a visitar a toda a veciñanza.