Denuncia o “clamoroso silencio” do Goberno municipal á pregunta da fronte nacionalista pola xustificación para a talla masiva de árbores na Avenida de Castelao

Xabier P. Igrexas: “O alcalde leñador non acaba de entender que as árbores non son elementos ornamentais senón unha peza absolutamente esencial no ecosistema urbano”

Xabier P. Igrexas: "Non imos permitir que o señor Vázquez Almuiña se sume á brigada arboricida do leñador en xefe en forma de alcalde, Abel Caballero"

A fronte nacionalista pedirá na vindeira Comisión de Medio Ambiente actualizar a normativa en vigor, que data de 1994, co obxectivo de protexer o arboredo urbano das continuas tallas.

Xabier P. Igrexas: “As obras de humanización son utilizadas como coartada para retirar sen xustificación as árbores da nosa cidade, unha política suicida en termos ambientais”.

Demandan que se coñezan os motivos reais para as cortas indiscriminadas que se están a practicar en diferentes zonas da cidade. 

Xabier P. Igrexas: “As árbores non son ornamento, non son mobiliario nin apenas adorno, senón que son seres vivos que cumpren unha función esencial en termos de sustentabilidade ambiental”.