Iolanda Veloso expresa o apoio do BNG ás reivindicacións dos afectados de Bautista Administradores

Iolanda Veloso expresa o apoio do BNG ás reivindicacións dos afectados de Bautista Administradores

Tras a xuntanza mantida co representante das persoas e comunidades de propietarios afectadas pola estafa de Bautista Administradores, a portavoz municipal nacionalista, Iolanda Veloso, expresou o apoio do BNG ás reivindicacións deste colectivo. Manifestou asemade a necesidade de que se axilice o proceso para solucionar o problema.

“Entendemos que estas persoas precisan o apoio de toda a cidadanía”, salientou Iolanda Veloso, quen recolleu a demanda do colectivo para que no pleno se aprobe “unha moción conxunta instando ás administracións que poidan estar implicadas na tramitación xurídica para que se axilice o proceso”.

A portavoz municipal do BNG explicou que o representante dos afectados trasladou que son moitas as persoas e comunidades afectadas na estafa polo administrador, deixándoos endebedados. “Apoiamos todos os actos públicos que convoque este colectivo”, sinalou a nacionalista.

Iolanda Veloso expresa o apoio do BNG ás reivindicacións dos afectados de Bautista Administradores