Santi Domínguez subliña os investimentos ineludibles para o BNG correspondentes ao superávit

Santi Domínguez subliña os investimentos ineludibles para o BNG correspondentes ao superávit

Melloras de accesibilidade nos centros de ensino, de mantemento en Teis e o Casco Vello e un plan de actuación nos barrios son as prioridades do Bloque

O concelleiro do BNG, Santi Domínguez, puxo enriba da mesa as condicións ineludibles para o Bloque se o goberno local quere contar coa formación nacionalista para sacar adiante os investimentos correspondentes ao superávit do Concello vigués, con propostas que ascenden a 2,8 millóns. Nesta liña asegurou que un plan de mellora nos barrios e as parroquias viguesas, o mantemento do Casco Vello e Teis, así como a mellora da accesibilidade de centros educativos “son actuacións prioritarias” para o BNG.

“Queremos darlle tempo ao goberno local para que estude as nosas propostas e prepare os investimentos. Non imos aprobar os investimentos se non os coñecemos os proxectos claros e concisos antes”, subliñou o nacionalista. “Queremos que cando o goberno estatal aprobe os posibles investimentos, o goberno local teña calros cales son os nosos condicionantes”, engadiu.

Santi Domínguez destacou que as actuacións que o BNG considera imprescindibles artéllanse en catro partidas, como son 300.000 euros para mellorar a accesibilidade e o mantemento das escolas públicas da cidade. “Pese a que nos últimos anos se fixo un esforzo, Foanpas detectou que siguen existindo problemas de accesibilidade nalgúns centros, e queremos que se solucionen”, dixo ao respecto.

Outros dous investimentos suma 500.000 euros para un plan especial de mantemento e renovación de saneamento en Teis e outros 500.000 euros para melloras no Casco Vello. Desta última partida, 400.000 destinaríanse ao compromiso para a rehabilitación do Berbés e os 100.000 euros restante ao mantemento dos viais do Casco Vello.

Plan participativo

O concelleiro nacionalista salientou que para o BNG é prioritario destinar 1,5 millóns de euros nun plan de mellora de infraestruturas nos barriso e parroquias da cidade. “Nos últimos dous anos estamos vendo que os barrios e parroquias non están atendidos como se merecen todos os vigueses e viguesas, polo que hai que poñer fin a esta situación.

Segundo explicou Santi Domínguez este plan de barrios e parroquias engloba cinco eixos, como son Cabral-Candeán; San Roque-barrio de Ribadavia; Sárdoma-barrio de Vilar, San Andrés-Matamá-Coruxo, e Navia. Porén, o edil do Bloque indicou que este primeiro plan “terase que completar con proxectos para o resto de barrios e parroquias a través de outros plans de investimentos”.

“Queremos que este sexa un plan participativo, polo que a partir de setembro o BNG iniciará unha rolda de contactos coas asociacións veciñais para que expresen as súas prioridades e as necesidades que hai que acometer con urxencia”, sinalou, ao tempo que destacou que “en base a estas demandas queremos que o goberno local plantee as súas iniciativas e actuacións”.

Santi Domínguez defendeu que “unha oposición responsable ten que actuar poñendo enriba da mesa actuacións e proxectos que dean resposta ás demandas e necesidades da cidadanía”. Ao xuízo do concelleiro do BNG “agora lle toca ao goberno local decidir se quere apostar por investimentos produtivos ou se quere outras cousas”.

Santi Domínguez subliña os investimentos ineludibles para o BNG correspondentes ao superávit