Máis de 150.000 persoas encheron hoxe Vigo para protestar contra as políticas de recortes na xornada de folga xeral convocada polas centrais sindicais. Deste xeito a cidadanía amosou a súa enérxica repulsa contra as medidas antisociais impulsadas polos gobernos galego e estatal, así como polas políticas que fomentan o desemprego e a pobreza da Troika.

Vigo acolleu o acto central, polo que na manifestación participaron os secretarios xerais da  da CIG, Suso Seixo, UGT-Galicia, José Antonio Gómez e do S.N. de CCOO de Galicia, Xosé Manuel Sánchez. Tamén se deron cita líderes do Bloque Nacionalista Galego, como seu portavoz nacional, Guillerme Vázquez; a deputada Carme Adán; o portavoz municipal, Santi Domínguez; o concelleiro Xabier Alonso; a responsable comarcal, Manuela Rodríguez; ou o exconcelleiro Xesus López.