Ana Pontón acusa a Feixóo e ao PP de votar contra o levantamento do veto para a transferencia da AP-9 e reclama ao novo goberno do Estado activar o traspaso e reverter a infraestrutura para o público.
O fallo xudicial que obriga ao Concello de Vigo a suprimir a restrición do empadroamento para acceder á recén implantada tarxeta do transporte urbano de Vigo (PassVigo), vén a ratificar o despropósito da actuación do goberno de Abel Caballero, resultado dunha política de confrontación de carácter personalista coa Xunta de Galiza que ten ocasionando graves perxuízos á veciñanza tanto de Vigo como dos concellos limítrofes.A falla de capacidade de entendemento entre ambas as dúas administración tería convertido en papel mollado o convenio subscrito o 6 de xullo de 2016 para a integración do transporte urbano de Vigo no transporte metropolitano.
O BNG reuniuse esta mañá co grupo de apoio a La Insurgencia, cuxos integrantes foron condenados a dous anos e un día de prisión por exerceren a liberdade de expresión. No marco desta xuntanza en Vigo, Luis Bará, deputado do Bloque Nacionalista Galego, presentou publicamente a proposición non de lei que o BNG defenderá no vindeiro pleno do Parlamento Galego en prol dos dereitos fundamentais e da liberdade de expresión.
Ana Pontón anuncia iniciativas no Parlamento ante a estratexia privatizadora e a xestión neglixente da autoridade portuaria, tras reunirse co comité de empresa
Luís Bará urxe á Xunta de Galiza a execución do convenio asinado en materia de transporte metropolitano, e que se garantan as mesmas tarifas para todas as persoas usuarias, con independencia do seu lugar de procedencia.
Na mañá deste mércores o BNG de Vigo desenvolveu accións informativas entre a veciñanza do Calvario en apoio da folga de mulleres que terá lugar en Galiza e na maior parte do mundo o 8 de marzo. “O feminicidio é o grao máximo no que se expresan as violencias que padecemos polo feito de sermos mulleres” denunciou Sefi Romero, responsábel local de Acción Feminista do BNG, durante o desenvolvemento do acto.
No marco do paro internacional de mulleres e da convocatoria de folga na Galiza, o BNG organiza este xoves unha mesa redonda para o debate, difusión e apoio á folga feminista do 8 de marzo. Nesta mesa redonda contarase coa participación de compañeiras que explicarán os motivos da folga nos ámbitos laboral, estudantil, do consumo e dos coidados.
Vémonos o xoves 1 de marzo, ás 20 horas, na Libraría Andel de Vigo.
Vimos de lanzar o novo número do voceiro municipal do BNG de Vigo. Aquí tratamos problemáticas sociais do noso concello e plantexamos coma sempre as alternativas precisas para un Vigo e unha Galiza con futuro, dereitos, liberdade e prosperidade. Denunciamos máis unha vez a especulación en Vigo e o fracasado modelo de cidade que impulsa o goberno municipal baseado na construción de centros comerciais en detrimento dos barrios. Analizamos a falla de emprego e propoñemos medidas urxentes para un Vigo con futuro, falamos da folga do 8 de marzo e chamamos ás mulleres de Vigo a secundar os paros, tratamos de vagar a desprogramación cultural do concello de Vigo e plantexamos a urxencia de pular pola nosa cultura cun modelo cultural programado e reflexioando, denunciamos a estafa da AP9, analizamos as consecuencias da seca e difundimos alternativas básicas como a municipalización do ben público... todo isto e moito máis no noso voceiro. Podes consultalo de seguido:
A portavoz nacional, Ana Pontón, mantivo un encontro en Vigo con profesionais e responsábeis de empresas que apostan pola innovación nos seus procesos produtivos, a quen trasladou a dupla “aposta estratéxica” do BNG: Duplicar os fondos públicos en I+D+I para aproveitar o potencial do país e xerar emprego de calidade e un Plan Retorna para facilitar a volta do talento e da xente moza emigrada. O responsábel local do BNG en Vigo, Serafín Otero, salientou a importancia de converter Vigo na capital galega da innovación coa creación dun centro metropolitano de desenvolvemento tecnolóxico para o desenvolvemento do emprego e o coñecemento compartido en Galiza.
Manuel Mera e Paco Lois lembrarán nunha palestra aberta todo o que supuxo a folga de 1972 en Vigo. Será este xoves 8 ás 20horas na sede do BNG en Vigo.
