bng-vigo
Actualidade
WhatsApp Image 2019-05-26 at 23.53.03 (1)

Xabier P. Igrexas: “O BNG volvemos ao Concello de Vigo para quedar”

O candidato do BNG á alcaldía de Vigo, Xabier P. Igrexas, agradeceu o apoio das case 8500 viguesas e vigueses que apoiaron o BNG e permitiron o seu regreso á Corporación Municipal obtendo un asento no Pleno.

Igrexas recoñeceu a “clara vitoria” do PSOE, pero advirte que “ningunha maioría absoluta, por folgada que sexa, é un cheque en branco para gobernar de costas ou en contra da veciñanza”. O BNG celebra “o desplome do PP de Feixóo” en Vigo e que forzas “españolistas ultra e reaccionarias” como Vox e Ciudadanos non obtiveran representación.

“O asento do BNG no pleno vai ser tamén o asento que dea voz ao tecido asociativo e de todas as viguesas que cren que a cidade merece máis. Centrarémonos en ofrecer alternativas en positivo para responder ás necesidades reais das viguesas e vigueses, dos barrios e parroquias”, anticipou Igrexas.

Ler novas
Actualidade
IMG_20190524_101053

O BNG urxe a convocatoria das OPE pendentes para reforzar con máis persoal o corpo de bombeiros de Vigo

O candidato nacionalista pide ter un parque á altura dunha cidade de 300.000 habitantes e non dunha de apenas 100.000 garantindo como mínimo 150 bombeiros.

“Ás portas do verán e coa evidente falta de vontade política do actual goberno, o que nos preocupa é que se repitan situacións como a vaga de lumes do 2017 e que este colapso do servizo poña en risco a seguridade”, recordou Pérez Igrexas.

Ler novas
Actualidade
20190520_FT_EncontroFAVEC2

O BNG chama a evitar unha nova maioría absoluta e tende a man á veciñanza a se sumar ao seu proxecto en positivo

“Agora que é claro que a dereita non suma e non poderá gobernar Vigo, tendemos a man a todas as viguesas e vigueses  para que se sumen ao proxecto en positivo que representa o BNG e evitar dar unha nova maioría absoluta a quen a entendeu estes catro anos como un cheque en branco para gobernar de maneira autoritaria e de costas á veciñanza”, propón o candidato do BNG á alcaldía de Vigo, Xabier P. Igrexas.

O BNG promoverá un novo Regulamento de Participación Cidadá “para facer que non escoitar deixe de ser unha opción” e avanzar cara a un modelo de “codecisión” que lle dea voz e voto aos colectivos sociais.

Ler novas
Actualidade
20190508_FT_EncontroCIG

Xabier P. Igrexas: “O Concello ten que actuar para crear oportunidades en Vigo, con empregos e salarios dignos”

“Ninguén entende que na situación de emerxencia que atravesa a cidade se teñan destinado máis recursos en dous meses a luces e adornos que o que se destinou nun ano ao Plan Municipal de Emprego” denuncia o candidato do Bloque á alcaldía.

O BNG reafirma a súa aposta por volver facer de Vigo “o pulmón industrial de Galiza e a capital galega da innovación, a tecnoloxía e as comunicacións”. Propoñen duplicar o Plan Municipal de Emprego, redimensionar o Vigo Emprega e medidas específicas de apoio á mocidade e as mulleres.

Ler novas
Actualidade
IMG_20190507_110601

O BNG presenta o seu programa como un “proxecto en positivo” para darlle a Vigo un novo impulso

A fronte nacionalista presentou o seu programa electoral, con 537 medidas concretas coas que aspiran a facer de Vigo “unha cidade para o pobo, unha cidade de iguais e unha cidade motor de todo un País”.

O candidato do BNG á alcaldía de Vigo, Xabier P. Igrexas, afirmou que teñen “a man tendida a todas as viguesas e vigueses que cren que Vigo merece máis”. “Nós non imos sumarnos ao pim-pam-pum permanente. Non vimos a mazar en ninguén, vimos a contribuír a resolver os problemas e necesidades reais da veciñanza, dos barrios e das parroquias”, resume.

[DESCARGA O PROGRAMA ABERTO DO BNG PARA AS ELECCIÓNS MUNICIPAIS 2019]

Ler novas
Actualidade
plato-tvg-kpMF--620x349@abc

O BNG pide debates entre os candidatos e candidatas para explicarlle á veciñanza os proxectos de cidade que se medirán nas urnas o 26M

O candidato do BNG á alcaldía de Vigo, Xabier P. Igrexas, dirixiu unha carta á presidenta da  Asociación da Prensa de Vigo trasladándolle a súa “disposición total e absoluta” a participar en todos os debates que se organicen.

“Os debates son unha necesidade democrática, unha obriga para as forzas políticas, pero sobre todo un dereito da cidadanía para coñecer as alternativas sobre as que vai ter que decidir”, defende o candidato nacionalista.

Ler novas