feminismo

Na mañá deste mércores o BNG de Vigo desenvolveu accións informativas entre a veciñanza do Calvario en apoio da folga de mulleres que terá lugar en Galiza e na maior parte do mundo o 8 de marzo. “O feminicidio é o grao máximo no que se expresan as violencias que padecemos polo feito de sermos mulleres” denunciou Sefi Romero, responsábel local de Acción Feminista do BNG, durante o desenvolvemento do acto.

No marco do paro internacional de mulleres e da convocatoria de folga na Galiza, o BNG organiza este xoves unha mesa redonda para o debate, difusión e apoio á folga feminista do 8 de marzo. Nesta mesa redonda contarase coa participación de compañeiras que explicarán os motivos da folga nos ámbitos laboral, estudantil, do consumo e dos coidados.

Vémonos o xoves 1 de marzo, ás 20 horas, na Libraría Andel de Vigo. 

O vindeiro venres preséntase en Vigo Invisibles, o novo libro da escritora e xornalista Montse Fajardo, unha obra que impulsada polo Concello de Pontevedra, recolle os relatos de mulleres maltratadas a mans das súas parellas. Unha obra necesaria que pon o foco sobre sobre os agresores e a invisibilidade das mulleres.

O vindeiro mércores contaremos con Mercedes Carreira nun debate sobe a imposición da custodia compartida como réxime preferente nunha sociedade na que aínda estamos lonxe de acadar a igualdade real entre homes e mulleres e a corresponsabilidade.