paseo

O Goberno español confirmou, en resposta por escrito a unha pregunta do deputado do Bloque no Congreso, Néstor Rego, que o expediente de concesión inda continúa en tramitación e non sinala ningún prazo nin data concreta.

O concelleiro, Xabier P. Igrexas, alerta de que “mesmo no caso de que a concesión se formalizase a finais deste ano como dixo o alcalde, e tendo en conta os prazos de licitación e de execución da obra, o novo Paseo de Bouzas non estaría rematado antes de 2022, case 4 anos despois do seu peche”.

A fronte nacionalista critica ademais que a actuación se vaia limitar a 528 metros, deixando en “propaganda e papel mollado” o anuncio de Abel Caballero de que ía atinxir desde Bouzas até Samil.