A fronte nacionalista vén de rexistrar iniciativas no Congreso e tamén no Senado, que se engaden á demanda que trasladou a través da súa eurodeputada, Ana Miranda, á Comisión Europea, para garantir que a conexión ferroviaria de alta velocidade entre Vigo e Porto sexa realidade no horizonte do 2030 e non dez anos máis tarde

Néstor Rego: “A Saída Sur é estratéxica e fundamental e seguiremos a traballar para que no ano 2030 sexa posíbel viaxar desde Ferrol até Lisboa en alta velocidade”

Xabier P. Igrexas: “Desde o BNG cremos que é necesaria unha resposta firme en chave de cidade para expresar de maneira rotunda que Vigo non imos esperar máis, que queremos tren de alta velocidade con Porto no ano 2030”