Destaca as alternativas presentadas para poñer fin ao abandono dos barrios e parroquias, para a mellora do bus urbano e fronte ao grave problema da vivenda, entre outras

Xabier P. Igrexas: “A forza que nos move é a dos moitos milleiros de viguesas e vigueses que arelan un cambio de rumbo”

A fronte nacionalista celebra un ano da toma de posesión do seu concelleiro, Xabier P. Igrexas, cunha campaña nas redes sociais baixo o lema #EnBloquePorVigo, na que difundirán vídeos de persoas representativas de diferentes sectores nos que valoran o que supuxo o retorno do BNG á Corporación Municipal.

A escritora María Reimóndez, o atleta Victor Currás, o secretario comarcal da CIG Alberto Gonçalves, a filósofa Carme Adán, o histórico sindicalista Manuel Mera ou o activista veciñal Anxo Igrexas, son algunhas das voces que partillarán a súa visión sobre o traballo realizado polo Bloque nos últimos doce meses.