• A fronte nacionalista ampliou o seu Consello Local con dez novas incorporacións, puxo en marcha unha Comisión Permanente Municipal, que asistirá ao seu portavoz no Concello, e potenciará os seus grupos de barrio e parroquias.

_Otero encabezaba a candidatura unitaria que elaborou o Consello Local saínte. A militancia aprobou tamén por unanimidade o Informe Político presentado pola dirección.

_O novo Consello Local do Bloque estará integrado por 25 persoas, con forte presenza de activistas sociais e veciñais e do sindicalismo nacionalista. A súa composición renóvase nun 32% e a mocidade representa o 25%, ademais de garantir a paridade de xénero.