O BNG esixe no Parlamento galego que se revertan os recortes no IES San Tomé de Vigo
A fronte nacionalista presenta unha iniciativa para reclamar á Xunta que incremente os grupos e o profesorado de 1º da ESO, así como o persoal de orientación, tal como demanda a ANPA do centro.
A deputada Alexandra Fernández advirte de que esta decisión ten “consecuencias negativas sobre o ensino, o exceso de carga laboral no profesorado, ademais de supor unha masificación das aulas cando aínda estamos enfrontando os riscos da pandemia”.
O portavoz municipal do BNG de Vigo, Xabier P. Igrexas, inscribiu os recortes nunha política deliberada do PP para “desangrar o ensino público".