xunta
Novas
Carmela González rolda Bosch

O BNG urxe á Xunta a impedir o ERE que ameaza 148 empregos no centro de chamadas de Bosch en Vigo

A fronte nacionalista anuncia iniciativas no Parlamento galego para evitar a deslocalización dos servizos que Vodafone presta en Bosch Vigo, tras manter un encontro co Comité de Empresa.

Carmela González: “O goberno de Rueda ten que facer valer os contratos millonarios que ten asinados con Vodafone para evitar que se destrúan máis postos de traballo na nosa cidade”.

Xabier P. Igrexas: “O BNG trasladamos ao persoal de Bosch o noso completo apoio e compromiso para actuar en todos os ámbitos para defender a continuidade do emprego”.

Ler novas
Novas
Xabier P. Igrexas, concelleiro do BNG en Vigo

O BNG de Vigo demanda a intervención da Xunta e do Concello para garantir a actualización dos salarios no Servizo de Axuda no Fogar

A fronte nacionalista rexistra unha moción ao Pleno diante da negativa de Servisar, empresa do grupo DomusVi que xestiona o servizo na cidade, a aplicar a suba salarial recollida no convenio colectivo.

Pide estudar a municipalización deste servizo esencial na atención das persoas maiores e dependentes para que deixe de ser unha fonte de negocio privado.

Ler novas
Novas
Imaxe (Consorcio Casco Vello Vigo)

O BNG de Vigo chama a desbloquear o Consorcio do Casco Vello e multiplicar por dez as achegas de Xunta e Concello

A fronte nacionalista urxe a poñer fin á parálise do organismo como resultado da “disputa permanente” entre o PSOE de Abel Caballero e o PP de Marta Fernández-Tapias.

Xabier P. Igrexas: “Hai que intensificar a cooperación entre ambas administracións en beneficio da cidade e dun Consorcio que se ten verificado de grande utilidade para a posta en valor do casco histórico de Vigo”.

Ler novas
Novas
Xabier P. Igrexas, concelleiro BNG Vigo

O BNG pide a Fernández-Tapias que deixe de facer posados na Cidade da Xustiza e esixa á Xunta os xulgados de 24 horas en Vigo

A fronte nacionalista reclama a posta en marcha inmediata deste sistema de gardas que permitiría desconxestionar o partido xudicial de Vigo, con 20 mil asuntos pendentes.

Xabier P. Igrexas: “Conta co respaldo unánime dos operadores xudiciais, do Concello de Vigo, do TSXG e do propio Ministerio, e só depende de que a Xunta decida implantalo”.

Ler novas
Novas
O concelleiro do BNG en Vigo, Xabier P. Igrexas

O BNG pide poñer fin ao “vodevil” entre Xunta e Concello que deixa Vigo sen o concerto de Muse

A fronte nacionalista acusa á delegada da Xunta e ao alcalde de utilizaren de forma “obscena” as institucións para as súas batallas partidistas e contra os intereses da cidade.
 

Traslada unha carta a ambos responsábeis políticos para que rectifiquen e abran canles de cooperación para evitar que Vigo volva quedar fóra da programación de concertos e grandes eventos da Xunta.
 

Xabier P. Igrexas: “Os feitos deixan en evidencia que tanto Abel Caballero como Marta Fernández-Tapias parecen ter conseguido o que querían: deixar Vigo sen un concerto de primeiro nivel”.

Ler novas
Novas
Reunión do BNG co Comité de Empresa de Povisa

O BNG urxe a intervención da Xunta no conflito laboral do hospital Povisa

A fronte nacionalista reclama que o Goberno galego do PP medie nas negociacións por un novo convenio colectivo neste centro médico, financiado con máis de 90 millóns de euros anuais de diñeiro público.

Montse Prado: “A Xunta non pode ser cómplice e consentir esta situación, ten que fiscalizar o que está sucedendo e esixir que as condicións laborais e as ratios de persoal sexan como mínimo as mesmas que na sanidade pública”.

Xabier P. Igrexas: “O BNG levamos moitos anos a denunciar a grave anomalía que supón que este modelo de concerto singular se traduza nunha atención sanitaria ‘de segunda' para 140 mil persoas da área de Vigo”.

Ler novas
Novas
bng bouzas

O BNG pide que a Xunta deixe de mentir e garanta o instituto de Navia para o curso 2023-2024

A fronte nacionalista presenta novas iniciativas no Parlamento galego para urxir ao goberno do PP a cumprir a promesa dun centro de ensino público no barrio vigués.

Alexandra Fernández: “A Xunta leva anos recoñecendo que o instituto é unha necesidade pero segue sen asignar un orzamento que permita sacalo adiante”.

Xabier P. Igrexas: “A situación que vive o barrio de Navia é unha evidencia máis da clamorosa política de abandono que a Xunta practica contra a maior cidade de Galiza”.

Ler novas
Novas
Carmela González e Xabier P. Igrexas reunidos con representantes sindicais de Ilunion

O BNG reclama desde Vigo que a Xunta fiscalice as subvencións a Ilunion diante das denuncias de explotación laboral

A fronte nacionalista presentará iniciativas no Parlamento galego para que se remate coa precariedade laboral no centro especial de emprego do grupo ONCE.

Carmela González: “Ilunion percibe importantes cantidades de diñeiro público para promover a integración laboral das persoas con dispacidade, mais a Xunta non leva a cabo unha función de control sobre estas axudas”.

O concelleiro do Bloque en Vigo, Xabier P. Igrexas, interpela á delegada da Xunta na cidade para que explique as actuacións do Goberno galego, coñecedor do conflito laboral e que atinxe de maneira directa ao sector da automoción da cidade.

Ler novas
Novas
Alexandra Fernández e Xabier P. Igrexas en rolda de prensa

O BNG solicita medidas da Xunta diante do centenar de contaxios na residencia de maiores DomusVi Bembrive

A fronte nacionalista reclama no Parlamento galego garantías de que o gromo non está a supoñer un deterioro na atención e nos coidados das persoas usuarias.

Alexandra Fernández: “A Consellaría debe facer un maior esforzo por manter as familias informadas nesta situación excepcional. A elevada porcentaxe de persoas infectadas xera unha preocupación lóxica”.

Xabier P. Igrexas: “Era ben que a Delegada da Xunta fixese un oco na súa intensa axenda de embaixadora de Feixóo en Vigo para atender a situación das residencias de maiores na nosa cidade”.

Ler novas
Novas
Xabier P. Igrexas

O BNG reta a Marta Fernández-Tapias a demostrar a súa defensa de Vigo esixindo a fin do abandono da cidade nos orzamentos da Xunta

A fronte nacionalista reclama unha rectificación do goberno de Feixóo por rexeitar a totalidade das súas emendas, que recollían un aumento de 94 millóns para Vigo nas contas de 2022.

Xabier P. Igrexas: “Marta Fernández-Tapias ten que escoller entre defender Vigo ou seguir sendo a embaixadora do desgoberno de Feixóo na cidade”.

Ler novas