Novas

A deputada e portavoz de Comercio no Parlamento Galego, Carmela González, anunciou que no inicio de curso político o  BNG volverá esixir “un compromiso real, con medidas concretas e recursos, da Xunta co pequeno e mediano comercio”.

O portavoz municipal do Bloque en Vigo, Xabier P. Igrexas, criticou que o Goberno local siga sen atender as demandas do sector e volveu a urxir a posta en marcha dunha Estratexia Local de Promoción Económica e do Emprego que evite que sigan fechando negocios na cidade.

Xabier P. Igrexas: “Agora xa temos datos, experiencia e sabemos o rápido que se pode complicar a situación. Aprendamos a lección da primeira vaga de contaxios e actuemos con dilixencia, rapidez e contundencia”.

Demandan reforzar todos os medios preventivos e preparar o despregamento de dispositivos e programas extraordinarios a nivel social para protexer a poboación máis vulnerábel.

Critican a “absoluta ausencia e incomparecencia” da Xunta de Galiza e esixen que o Goberno galego esixa as súas competencias.

O BNG denuncia a insuficiencia dos horarios de apertura, a falla de impulso na programación de exposición e actividades e os recortes en seguridade e vixilanza na Rede Museística da cidade.

Demandan a redefinición do proxecto museístico do Verbum e propoñen abrir en Vigo un Museo da Emigración.

Xabier P. Igrexas: “As familias viguesas fican sen praza un ano, e outro, e outro, pola falla de vontade política tanto do Goberno municipal de Caballero como da Xunta de Feixóo”

A fronte nacionalista anunciou que volverá demandar que nos orzamentos de 2021, Concello e Xunta, destinen os recursos necesarios para poñer en marcha 6 novas escolas infantís en Vigo (3 municipais e outras tantas de titularidade autonómica).

Xabier P. Igrexas: “É claro que os areais da nosa cidade son un importantísimo atractivo turístico, pero queremos subliñar que as praias de Vigo son moito máis. Son un tesouro natural”.

A fronte nacionalista propón que se cree un grupo de traballo na Comisión Informativa de Medio Ambiente para trazar unha folla de ruta que permita alargar a protección ambiental e recuperar superficie dos areais.

Propoñen que o Concello asegure as medidas e medios necesarios para garantir que o esparexemento dos cans, onde se permita, se poida desenvolver nas debidas condicións.

A fronte nacionalista asegura que o anuncio de Caballero de que a compensación á concesionaria polas perdas derivadas da Covid19 será a cargo de fondos estatais, demostra que a prórroga de cinco anos foi “un agasallo caprichoso” a esa empresa privada.

Xabier P. Igrexas: “O que debera preocupar e ocupar a Abel Caballero non é cantos millóns de euros máis de diñeiro público lle vamos entregar a Vitrasa, senón como mellorar o servizo de bus urbano”.

O BNG de Vigo insiste na necesidade, por hixiene democrática, de retirarlle calquera honra e distinción municipal ao monarca emérito.

A fronte nacionalista convoca unha cazolada contra a monarquía, desde as varandas e xanelas de toda Galiza, para hoxe, martes, ás 21:00h.

Xabier P. Igrexas: “Cando Caballero ten que escoller entre facer valer os dereitos da cidade ou acatar mansamente as ordes de Ferraz e a Moncloa, opta sen rubor polo segundo. En lugar de alcalde de Vigo hoxe exerceu tristemente de mandado do PSOE”.

A fronte nacionalista advirte de que esta decisión impedirá que o Concello conte cos recursos necesarios para facer fronte ás necesidades sociais derivadas da crise da Covid19 na cidade.

A fronte nacionalista oponse á intención do Goberno español de facerse cos aforros da cidade e demandan poder dispoñer deles para enfrontar as necesidades sociais derivadas da crise da Covid19. 

Xabier P. Igrexas: “Perante o intento de Facenda de se apropiar dos recursos de Vigo e da renuncia de Caballero de defender os intereses da cidade, a veciñanza ten que mobilizarse e esixir o que é de xustiza”. 

O concelleiro do BNG reclama do rexedor vigués e tamén do Delegado da Zona Franca, que se opoñan de maneira clara a calquera intento de resolver a concesión do estaleiro de Teis. 

A fronte nacionalista advirte de que a desaparición definitiva de Vulcano sería unha “mazada brutal” para toda a industrial metal da cidade.