Novas

A fronte nacionalista reclama no Parlamento galego garantías de que o gromo non está a supoñer un deterioro na atención e nos coidados das persoas usuarias.

Alexandra Fernández: “A Consellaría debe facer un maior esforzo por manter as familias informadas nesta situación excepcional. A elevada porcentaxe de persoas infectadas xera unha preocupación lóxica”.

Xabier P. Igrexas: “Era ben que a Delegada da Xunta fixese un oco na súa intensa axenda de embaixadora de Feixóo en Vigo para atender a situación das residencias de maiores na nosa cidade”.

A fronte nacionalista rexistra unha batería de iniciativas no Parlamento galego para esixir que a Xunta deixe de ignorar a grave situación do estaleiro vigués e actúe con urxencia para evitar a súa liquidación ou desgaxamento.

Carmela González: “Os continuos vaivéns que sufriu Barreras desde a súa privatización son froito da incapacidade do capital privado. Fracasos como Pemex ou o recente de Ritz-Carlton foron operacións que contaron co patrocinio do goberno de Feixóo”.

Xabier P. Igrexas: “A desaparición de Barreras sería unha mazada definitiva para un sector estratéxico para Vigo, a súa comarca e o conxunto de Galiza. É un sector irrenunciábel para a necesaria reactivación industrial na nosa cidade”.

A fronte nacionalista presenta emendas para mellorar o proxecto de ordenanza municipal sobre a utilización de Vehículos de Mobilidade Persoal na cidade.

Xabier P. Igrexas: “Non se trata de blindar o espazo urbano para os coches, senón de facilitar con todas as garantías de seguridade o uso doutras modalidades de transporte”.

A fronte nacionalista demanda un xiro de 180 graos que permita reverter a política de “desertización cultural” e potenciar a forza creativa da cidade.

Xabier P. Igrexas: “Abondaría con que o goberno de Abel Caballero destinase unha pequena porcentaxe do esforzo que dedica ao seu nadal de récord para que o programa VigoCultura volvese ser unha referencia na programación cultural”.

A fronte nacionalista acusa ao Goberno municipal de falla de vontade por negarse a escoitar as demandas veciñais, que advirten de graves afeccións nas parroquias.

Xabier P. Igrexas: “É un exemplo claro de como non se debe elaborar un novo PXOM: redactado na escuridade dos despachos, sen diálogo, participación, nin transparencia”.

Cargos institucionais e orgánicos da fronte nacionalista denuncian diante da delegación da Xunta en Vigo a situación de colapso da Atención Primaria como consecuencia das políticas de recortes e privatización do PP.

Montserrat Prado: “É inaceptábel que a veciñanza da área sanitaria de Vigo reciba unha asistencia propia dunha época de guerra, que as e os profesionais teñan que escoller cada día a quen atenden e a quen non”.

A fronte nacionalista esixirá explicacións no Parlamento ao Conselleiro de Sanidade e urxe unha rectificación que garanta o acceso a asistencia médica de toda a poboación da área de Vigo.

Xabier P. Igrexas: “A enfermidade e os problemas de saúde non van esperar á conveniencia administrativa da Xunta do Partido Popular”.

A fronte nacionalista critica que o grupo municipal socialista votara en contra de condenar no Pleno o maior caso de corrupción na historia do Concello de Vigo, polo “enchufe” da cuñada de Carmela Silva, e que se opoña a despregar medidas fronte ao enchufismo.
 

Xabier P. Igrexas: “As viguesas e vigueses merecen que se explique como se puideron roubar 108 mil euros do Concello para beneficiar a unha familiar dun membro do Goberno municipal”.

A fronte nacionalista considera insuficientes as restricións aprobadas nas últimas horas e insta o Goberno galego de Feixóo a actuar en lugar de transferir a responsabilidade á cidadanía. 

Piden máis persoal e recursos para o conxunto da rede asistencial da sanidade pública na perspectiva de que 2022 poida comezar con máis de 10 mil casos activos na área sanitaria de  Vigo. 

Xabier P. Igrexas: “Diante da evolución pandémica a Xunta non pode ser na nosa cidade apenas un holograma lumínico, un logotipo proxectado na fachada da nova cidade da Xustiza”

A fronte nacionalista reprocha que o grupo municipal socialista se opuxese á moción na que reclamaban a posta en marcha dun tren de proximidade a nivel metropolitano, a mellora da rede de media distancia e a axilización da saída sur con Porto.

Desde o Bloque recalcan que “as necesidades das viguesas e vigueses nin comezan nin acaban no tren de alta velocidade con Madrid”.