Novas

A fronte nacionalista reitera a necesidade de que o Concello de Vigo teña unha “verdadeira política de vivenda” e que promova a subscrición de convenios coa Sareb e a banca privada para dispoñibilizar pisos en alugueiro que non teñan “prezos privativos”.

Xabier P. Igrexas: “É momento de medidas reais e urxentes que permitan poñer fin á expulsión de moitas familias traballadoras que non pode permitirse, literalmente, pagar o prezo da vivenda en Vigo”

A fronte nacionalista quere que se garanta a explicación do novo planeamento en todos os barrios e parroquias e a interlocución co tecido asociativo. Demandan ademais que o novo PXOM se someta ao ditame do Consello Sectorial de Transportes, do Consello Local de Accesibilidade e mais do Consello Social da Cidade.

Xabier P. Igrexas: “O que queremos é que Vigo teña un novo PXOM deseñado entre todas e todos, para todos e todas e non só un Plan ao ditado do grupo municipal socialista elaborado na escuridade dos despachos”

A fronte nacionalista considera “gravísimo” que se poña en risco a seguridade da cidade deixándoa cunha cuarta parte do operativo mínimo cifrado polo propio Concello.

Xabier P. Igrexas: “O que ten que facer o alcalde é deixarse de tanto paseo fotográfico pola cidade e atender o verdadeiramente importante. Non poden seguir xogando coa seguridade das viguesas e dos vigueses”

A fronte nacionalista demanda a ampliación de horarios de visita, actividades continuadas de dinamización, programas expositivos máis ambiciosos e o desenvolvemento do Plan de musealización da cidade.

Xabier P. Igrexas: “Vigo é unha cidade cun enorme empurre cultural. Somos unha cidade creadora. Unha cidade de arte. E por iso temos que lamentar que a miope política cultural do Goberno local teña os nosos museos na penumbra permanente”

A fronte nacionalista alerta de que non se están a respeitar as medidas preventivas e de seguridade, de elevados niveis de ruído e de que xa se produciron golpes de maquinaria pesada contra varandas e fachadas de edificios catalogados.

O concelleiro, Xabier P. Igrexas, interpelou o Goberno municipal na Xerencia de Urbanismo e urxiuno a actuar para vixiar o cumprimento da normativa e garantir a seguridade de persoas e inmóbeis.

¬NOVO PXOM: O BNG abstívose na votación na Xerencia de Urbanismo do novo planeamento e reclamou un proceso de exposición pública que permita a participa-ción real da veciñanza e do tecido asociativo.

A fronte nacionalista critica a falla de transparencia e de participación na elaboración do novo planeamento e esixe ao Goberno municipal que non reduza a exposición pública a un “trámite burocrático”.

Xabier P. Igrexas: “A pesar dos intentos de Abel Caballero por deslumbrar con anuncios, grandes titulares e infografías, o documento de aprobación do PXOM ten importantes sombras”.

A fronte nacionalista denuncia a insuficiencia das políticas de apoio por parte da Xunta e a inacción do Concello.

A deputada, Carmela González, critica que as axudas habilitadas polo Goberno galego redúcense a “moita propaganda” ao seren inaccesíbeis para a meirande parte dos e das comerciantes.

Xabier P. Igrexas: “O comercio de proximidade, o que dinamiza a cidade, o que vertebra os nosos barrios e parroquias e crea emprego estábel está absolutamente orfo de apoio por parte das administracións”

A ordenanza municipal de zonas naturais e espazos verdes, en vigor, prohibe expresamente pendurar ningún tipo de elemento no arborado.

Xabier P. Igrexas: “Que problema ten Abel Caballero coas árbores? A súa obsesión raia na dendrofobia”.