Novas

Xabier P. Igrexas: “O Goberno municipal ten que abandonar a política españolizadora e galegófoba que o único que pretende, con boas palabras, é acabar de matar a lingua por inanición". 

A fronte nacionalista afea que o alcalde só lembre do "idioma propio de Galiza” o 17 de maio mentres incumpre todo o ano a ordenanza municipal de normalización lingüística. 

A fronte nacionalista anuncia que interpelará o Goberno municipal na próxima Comisión Informativa de Festas e insta a depurar responsabilidades e despregar medidas adicionais que aseguren plenas garantías sanitarias no programa Terraceo. 

Xabier P. Igrexas: "É inaceptábel que tras máis dun ano de pandemia haxa que desaloxar un evento público promovido polo propio Concello de Vigo porque non se cumpran as medidas preventivas fronte á Covid19". 

A fronte nacionalista realizou un reparto informativo no Calvario para dar a coñecer as súas alternativas fronte ao modelo eólico do Partido Popular que, denuncian, está ao servizo dos intereses “do oligopolio privado das eléctricas e de fondos de investimento estranxeiros”.

A deputada, Alexandra Fernández, demanda outro modelo de aproveitamento eólico que protexa o medio natural, evite o desprazamento doutras actividades e garanta, a través dunha empresa pública galega, a xeración de riqueza e de emprego en Galiza.

O concelleiro do Bloque en Vigo, Xabier P. Igrexas, anunciou o rexistro dunha moción no Concello para rexeitar o actual modelo eólico e demanda o alargamento da protección ambiental da Serra do Galiñeiro.

Xabier P. Igrexas: “Non é aceptábel que se decida concentrar nun único punto o groso das vacinacións e que non se adopten as medidas que eviten que a xente tarde até unha hora e media en chegar”

A fronte nacionalista denuncia que en lugar de 18 controladores/as hai días nos que só hai 4, as graves deficiencias nas máquinas expendedoras e a non instalación dos postes de recarga eléctrica comprometidos.

Xabier P. Igrexas: “non se pode seguir tolerando que empresas adxudicatarias incumpran por sistema os pregos coa complicidade do propio Concello”.

A deputada, Alexandra Fernández, rexistrou unha batería de iniciativas no Parlamento galego para dotar á área de Vigo dunha unidade da que arestora só dispón Compostela e que o Partido Popular prometeu abrir en 2015.

O portavoz municipal do Bloque en Vigo, Xabier P. Igrexas, responsabiliza ao PP da falla de medios no hospital Álvaro Cunqueiro para a adecuada atención de desordes alimentarias pola imposición dun modelo "privatizador e recortado".

A fronte nacionalista iniciou hoxe na cidade de Vigo unha rolda de actos informativos para rexeitar o proxecto de lei da universidade privada e demandar máis recursos para fortalecer o sistema universitario público.

O deputado, Manuel Lourenzo, anunciou que demandarán no Parlamento Galego a retirada do proxecto de lei que “non ten máis obxectivo que afondar nas políticas de privatización e desmantelamento da universidade pública galega”.

O portavoz municipal do BNG en Vigo, Xabier P. Igrexas, denuncia o “cinismo” e “duplo xogo” do PSOE neste debate, lembrando que na cidade o grupo socialista fixo pinza co PP para evitar unha declaración institucional que rexeitase a nova universidade privada.

A fronte nacionalista insta o Goberno local a rectificar unha programación na que só 2 das 40 actuacións confirmadas son de grupos musicais en lingua galega.

O concelleiro, Xabier P. Igrexas, cualifica de “raquítico, empobrecedor e galegófobo” o programa promovido polo Concello de Vigo.

REMANENTES¬ O Bloque critica que Abel Caballero insista en “enterrar en gasto inaugurábel” os 13 millóns de remanentes e demandan que se destinen a enfrontar os brutais efectos da crise na cidade.

Xabier P. Igrexas: “Abel Caballero en lugar de defender como alcalde o futuro do naval en Vigo decidiu escapar, facendo de comparsa do secretario de Estado de Infraestruturas, para tirar unha foto na reapertura túnel do Folgoso na Cañiza”

PERSOAL MUNICIPAL¬ O BNG trasladoulle ao Comité de Persoal do Concello o seu pleno apoio e instou o Goberno local a “unha emenda á totalidade da súa nefasta política laboral”.

1 DE MAIO¬ A fronte nacionalista fai un chamamento a participar nas mobilizacións convocadas pola CIG  este 1 de maio para evitar que a crise se converta nun novo saqueo antisocial. A portavoz nacional, Ana Pontón, participará da manifestación de Vigo.