Novas

A fronte nacionalista pon en valor que son “a forza en ascenso” e traza as liñas de traballo “a pé de rúa” para “multiplicarse” en 2023 e empurrar unha alternativa en positivo fronte a “inercia anémica” da actual equipa de Goberno.

A Asemblea Local aberta do BNG vigués valorou “moi positivamente” o traballo realizado na primeira metade do mandato e que cristalizou en máis de 435 propostas e iniciativas.

Xabier P. Igrexas: “Un Goberno que coa maior maioría e co maior orzamento da historia da cidade, deixa sen gastar 6 de cada 10 euros dos investimentos presupostados, é a definición dun goberno aparencial e impotente”

A fronte nacionalista reitera a necesidade de elevar o orzamento dedicado a campañas contra a viooencia machista, e a poñer en marcha un novo programa de apoio ás vítimas dotado con como mínimo 300 mil euros.

Xabier P. Igrexas: “O Goberno de Abel Caballero vai dedicar a campañas de sensibilización, denuncia e concienciación contra a violencia machista o equivalente ao 4% do que vai gastar en atencións protocolarias”

A empresa concesionaria presta un 15% menos de horas de servizo das recollidas no prego de concesión.

Xabier P. Igrexas: “Permitir que unha empresa preste menos servizo do que ten contratado e polo que percibe diñeiro público é tanto como consentir que se lle roube á cidade”.

A fronte nacionalista pon en valor o traballo realizado e que deu lugar a máis de 435 propostas, iniciativas e posicións públicas.

Fíxanse como obxectivo “multiplicarse” organizativa, social e politicamente para facer avanzar a súa “alternativa solvente e en positivo” que permita darlle un novo impulso a Vigo fronte a inercia anémica do actual Goberno.

 A deputada e portavoz de Sanidade do BNG no Parlamento galego, Montse Prado, demanda explicacións á Consellaría de Sanidade, que se esixan responsabilidades á empresa concesionaria e que se audite a xestión privada do HAC.

A fronte nacionalista reitera a necesidade “urxente e irrenunciábel” de reverter o modelo privatizador imposto polo Partido Popular no hospital vigués.

Xabier P. Igrexas: “Non podemos seguir permitindo que se converta a saúde das viguesas e vigueses nunha oportunidade de negocio para empresas amigas. Hai que poñer fin a este modelo que converteu a área de Vigo na zona cero da desfeita sanitaria”.

A fronte nacionalista critica a falla de definición sobre o uso que se quere dar ao novo edificio dotacional e advirte de que o barrio non precisa “un novo ‘Verbum’, como edificio vistoso sen contido”.

Xabier P. Igrexas: “O BNG apostamos por un Casco Vello revitalizado pero sobre todo habitábel. Queremos un casco histórico que sexa moito máis que un espazo para visitar ou consumir na hostalaría, queremos un Casco Vello para vivir e convivir”

A fronte nacionalista esixe o acceso a toda a documentación e demandará a comparecencia da equipa redactora do Plan Xeral na vindeira xuntanza do Consello da Xerencia Municipal de Urbanismo.

Xabier P. Igrexas: “Non imos tolerar que o PXOM pase da escuridade dos despachos onde o estiveron elaborando a unha caixa forte para ocultarllo ás forzas políticas da oposición, ao tecido asociativo e ao conxunto da cidadanía".

A fronte nacionalista chama a avanzar nunha mobilidade alternativa, a revisar o sistema de xestión de resíduos, a alargar a protección ambiental do Lagares e dos montes, a reconciliar a cidade coa faixa litoral e a poñer en valor o papel indispensábel do arborado urbano.