Novas

A fronte nacionalista advirte de que a extinción da concesión por parte da Autoridade Portuaria suporía abrir á porta á desaparición definitiva do centenario estaleiro de Teis e un golpe letal ao conxunto do sector naval.

Xabier P. Igrexas: “Caballero ten que decidir entre apoiar a desaparición dun estaleiro centenario, ou defender o futuro industrial da cidade e a continuidade do sector naval”.

Denuncian que a falla de medios humanos e materiais compromete a capacidade e calidade asistencia da sanidade pública na área de Vigo.

A moción do Bloque rexeita a recente reforma da Lei galega de saúde, urxe a axilización dos procesos de vacinación e demanda que Xunta e Goberno español destinen os fondos de recuperación a reforzar a sanidade pública.

Xabier P. Igrexas: “É inaceptábel que haxa viguesas e vigueses que cando solicitan cita co seu médico ou médica, só teñan opción de telefónica e lla dean para doce ou trece días despois”

Critican que se teñan rexeitado a práctica totalidade das suxestións, emendas e alegacións, da veciñanza, colectivos sociais e forzas políticas da oposición.

Xabier P. Igrexas: “Caballero convirte os procesos de exposición pública nunha formalidade burocrática, sen utilidade ningunha pola súa teimuda xordeira a calquera opinión diferente”.

Alertan de que a nova ordenanza non resolverá o conflito creado pola decisión unilateral do Goberno local de converter a Foz e a Calzoa nos únicos areais para cans.

Critican que o feche das ludotecas é “un capítulo máis no total desmantelamento das políticas para a mocidade e a infancia”.

Xabier P. Igrexas: “A nefasta xestión do Goberno deixa claro que non hai ninguén ao volante na área de Xuventude”.

NADAL¬ A fronte nacionalista cualifica de “delirante” que o alcalde anuncie en pleno mes de abril, nun contexto de preocupación pola evolución da pandemia e de grave crise social, a programación do nadal. Igrexas chama a Caballero a “exercer de alcalde en lugar de actuar coma se fose o director dun grande parque temático”.

Xabier P. Igrexas: “As viguesas e os vigueses non comen con anuncios nin promesas de grandes proxectos. O Concello ten que mobilizar todos os recursos e capacidades que ten en favor de crear emprego digno, estábel e con dereitos na nosa cidade”.

A fronte nacionalista demandou hoxe, na Comisión Informativa de Emprego, a modificación das bases de axudas  a entidades non lucrativas, dentro do Plan Municipal de Emprego, para as facer máis accesíbeis e útis.

Denuncian a inexecución polo Goberno municipal da meirande parte das partidas orzamentarias destinadas a programas de inserción laboral.

En resposta a unha interpelación do Bloque a concelleira de Urbanismo, María José Caride, anunciou que esta mesma semana tramitarán no IGVS a solicitude de modificación do Plan Sectorial de Áreas Empresariais para ampliar o polígono previsto no PXOU do 93.

Xabier P. Igrexas: “Ninguén xustificou até o momento a necesidade dun polígono de 400 mil metros cadrados en Valadares que vai afectar a un número importante de vivendas habitadas e con evidentes efectos ambientais”

A fronte nacionalista anuncia que levará o asunto ao Parlamento de Galiza para reclamar á Xunta que non autorice este macropolígono que conta co rexeitamento maioritario da veciñanza.

A deputada e portavoz de Sanidade do BNG no Parlamento galego, Montse Prado, pide “medidas efectivas, con recursos e persoal” fronte aos “anuncios de botafumeiro” da Xunta do Partido Popular.

Xabier P. Igrexas: "Tememos novos recortes que acaben por colapsar os centros de saúde da cidade e volvan deixar sen pediatría a parroquias enteiras”.

A fronte nacionalista chama a participar nas mobilizacións convocadas pola plataforma SOS Sanidade Pública para este mércores, 21 de abril.

O BNG demanda avances na recuperación da memoria democrática e chama a defender as liberdades fronte a ofensiva da “dereita reaccionaria e ultraespañolista”. 

A fronte nacionalista repróchalle a Marta Fernández-Tapias que utilice o cargo para axir como “comisaria de propaganda de Feixóo" e como plataforma na pugna interna polo liderado do PP vigués. 

Xabier P. Igrexas: “En seis meses que leva como Delegada da Xunta en Vigo, Fernández-Tapias inda non foi capaz de pronunciar as palabras ‘sector naval’ nin de actuar fronte a situación crítica de Vulcano e Barreras”. 

Xabier P. Igrexas: “Hai que acabar coa barra libre do Concello coas grandes empresas adxudicatarias. Non podemos permitir que en empresas que reciben millóns de euros de diñeiro público se vulneren dereitos laborais e se incumpra o prego de adxudicación”.

A fronte nacionalista trasladoulle o seu “total apoio” ao Comité de Empresa a poucos días do inicio dunha folga indefinida no servizo.