Bloque Nacionalista Galego de Vigo Novas

Novas
Xabier P. Igrexas, concelleiro e candidato á Alcaldía do BNG de Vigo

O BNG de Vigo demanda a intervención da Xunta e do Concello para garantir a actualización dos salarios no Servizo de Axuda no Fogar

BNG Vigo 09/xuño/2022

A fronte nacionalista rexistra unha moción ao Pleno diante da negativa de Servisar, empresa do grupo DomusVi que xestiona o servizo na cidade, a aplicar a suba salarial recollida no convenio colectivo.

Pide estudar a municipalización deste servizo esencial na atención das persoas maiores e dependentes para que deixe de ser unha fonte de negocio privado.

Ler novas
Imaxe (Consorcio Casco Vello Vigo)

O BNG de Vigo chama a desbloquear o Consorcio do Casco Vello e multiplicar por dez as achegas de Xunta e Concello

BNG Vigo 08/xuño/2022

A fronte nacionalista urxe a poñer fin á parálise do organismo como resultado da “disputa permanente” entre o PSOE de Abel Caballero e o PP de Marta Fernández-Tapias.

Xabier P. Igrexas: “Hai que intensificar a cooperación entre ambas administracións en beneficio da cidade e dun Consorcio que se ten verificado de grande utilidade para a posta en valor do casco histórico de Vigo”.

Ler novas
Reunión do BNG coa veciñanza da rúa Privada Moderna

O BNG insta a Concello de Vigo e Xunta a tomar medidas contra o acoso da Sareb á veciñanza da Privada Moderna

BNG Vigo 07/xuño/2022

A fronte nacionalista esixe que o Goberno municipal intensifique as actuacións contra o chamado ‘banco malo’, tras manter un encontro coas seis familias afectadas.

Reclama a transferencia dos inmóbeis da Sareb, tal como se comprometeu o Goberno español, para incorporalos ao parque público do Instituto Galego de Vivenda e Solo.

Xabier P. Igrexas: “En lugar de arranxar os inmóbeis, que é a súa obriga, busca provocar un escenario de ruína que permita expulsar á veciñanza das súas vivendas”.

Alexandra Fernández: “Pedimos que a Xunta, que ten as competencias en vivenda, actúe como mediadora e protectora destes inquilinos que están sendo acosados”.

Ler novas
Restos da Casa da Mora (Imaxe: Vigohistórico)

O BNG de Vigo pide que as decisións sobre a Casa de Mora se tomen en base a criterios técnicos de conservación patrimonial

BNG Vigo 06/xuño/2022

A fronte nacionalista reclama transparencia do Goberno municipal sobre as obras do túnel da Porta do Sol e pide facer públicos todos os informes sobre os restos descubertos.

Acusa á Dirección Xeral de Patrimonio da Xunta de “deliberada omisión” das súas competencias por permitir que o goberno de Abel Caballero “faga o que quere”.

Xabier P. Igrexas: “A cidade ten dereito a coñecer cal é a importancia arqueolóxica do atopado e que se faga prevalecer a valoración experta sobre o capricho do alcalde”.

Ler novas
Néstor Rego, deputado do BNG no Congreso

BNG exixe ao Goberno do Estado rematar co acoso inmobiliario da SAREB en Vigo

BNG Congreso 03/xuño/2022

Rego traslada á cámara do Congreso o sufrimento que atravesa a veciñanza da urbanización Privada Moderna do barrio vigués do Calvario tras cinco anos intentando forzalos a abandonar as súas vivendas e reclama que se leven a cabo as reformas precisas para garantir a seguranza e habitabilidade

Defende a transferencia de todos os activos da SAREB que se atopen en territorio galego á Xunta de Galiza para o fomento dun Parque Público de Vivenda e alugueiros sociais

Ler novas
Entidade Local Menor de Bembrive

O BNG de Vigo esixe explicacións do PSOE polo escándalo de corrupción do alcalde pedáneo de Bembrive

BNG Vigo 02/xuño/2022

A fronte nacionalista reclama que o presidente local dos socialistas, Abel Caballero, dea a cara ante a causa xudicial aberta contra Marcos Castro, designado como pedáneo co “patrocinio persoal” do alcalde de Vigo.

Xabier P. Igrexas: “Os 250 mil euros que o actual alcalde pedáneo tería adxudicado de maneira ilegal é case o equivalente á transferencia que o Concello de Vigo remite cada ano para o financiamento da Entidade Local Menor de Bembrive”.

Ler novas
Xabier P. Igrexas, portavoz municipal do BNG de Vigo

O BNG de Vigo reta a Abel Caballero a convocar o Debate sobre o Estado da Cidade fronte o seu continuo monólogo

BNG Vigo 01/xuño/2022

A fronte nacionalista propón celebrar por primeira vez este Debate para contrastar as distintas alternativas políticas na cidade ante a “permanente devaluación” dos Plenos municipais por parte do alcalde, que se ausenta de maneira reiterada das sesións.

Xabier P. Igrexas: “A veciñanza de Vigo ten dereito a coñecer as diferentes posicións das catro forzas políticas que conformamos a Corporación, porque o BNG si temos un proxecto de cidade con propostas concretas e cun afán construtivo”.

Ler novas
Xabier P. Igrexas, concelleiro BNG Vigo

O BNG pide a Fernández-Tapias que deixe de facer posados na Cidade da Xustiza e esixa á Xunta os xulgados de 24 horas en Vigo

BNG Vigo 31/maio/2022

A fronte nacionalista reclama a posta en marcha inmediata deste sistema de gardas que permitiría desconxestionar o partido xudicial de Vigo, con 20 mil asuntos pendentes.

Xabier P. Igrexas: “Conta co respaldo unánime dos operadores xudiciais, do Concello de Vigo, do TSXG e do propio Ministerio, e só depende de que a Xunta decida implantalo”.

Ler novas
Araucaria da Alameda coas luces a finais de maio

O BNG de Vigo pregunta a Caballero se hai que acudir ao Seprona para que retire o alumeado de nadal da araucaria da Alameda

BNG Vigo 30/maio/2022

A fronte nacionalista reitera a esixencia de retirar os adornos desta árbore singular, situada nuns xardíns catalogados que contan con especial protección. Lembran que a instalación vulnerou a ordenanza de Medio Ambiente.

Xabier P. Igrexas: “Abel Caballero debe explicar que clase de fobia ten contra o arboredo que xustifique continuar afogando con luces de nadal a araucaria a finais de maio”.

Ler novas