Xabier P. Igrexas: «O Goberno municipal deixa claro con esta decisión que deserta das súas competencias en materia de vivenda e que non pensa facer nada para que vivir en Vigo deixe de ser un luxo inasequíbel para millares de persoas»

Afean a falla de resposta no Pleno á pregunta formulada pola fronte nacionalista sobre as actuacións, prometidas polo alcalde ás familias das vítimas, para reclamar que o Goberno español despregue unha operación subacuática para localizar o buque e obter probas.

Xabier P. Igrexas: “O silencio de Caballero e do seu Goberno é un desprezo intolerábel ás vítimas e as súas familias que non merecen este maltrato. Sen coñecermos completamente a verdade do que aconteceu non pode haber xustiza nin reparación”.

¬A fronte nacionalista denuncia tamén que o veto do PSOE impediu aprobar a moción na que demandaban mobilizar 15 millóns de euros para despregar un paquete de medidas co que enfrontar o agravamento da crise na cidade.

Xabier P. Igrexas: “Humanizar a cidade é poñer ás persoas no centro, facermos das necesidades sociais a verdadeira prioridade do Concello de Vigo”

A fronte nacionalista presenta unha moción ao Pleno de maio trasladando as demandas das familias das vítimas, que reclaman que o Goberno español faga todo o posíbel para baixar ao buque e investigar as circunstancias do tráxico naufraxio.

Xabier P. Igrexas: “Non son compatíbeis as declaracións infames do delegado do Goberno en Galiza, xustificando a negativa a atender as peticións das afectadas, co apoio que vén de manifestar Abel Caballero”.

A fronte nacionalista pide “compromisos reais” por parte da Xunta e Goberno español en lugar de “anuncios ocos”.

Xabier P. Igrexas: “Sen fábrica de baterías a área de Vigo podemos ficar fóra de xogo na produción de vehículos non contaminantes”.

Rexeitan a modificación do sistema tarifario aprobada polo Goberno español de PSOE e Unidas Podemos polo seu “grave impacto” nas persoas consumidoras e PEMEs.

Reclaman que se reduza, de maneira permanente o IVE ao 4%, a retirada de impostos e peaxes que non teñen a ver co consumo, a posta en marcha dunha tarifa eléctrica galega e a creación dunha empresa pública galega de enerxía

Xabier P. Igrexas: “O debate non pode ser a que hora hai que poñer a lavadora, senón porque os custes eléctricos de poñela son agora un luxo inasumíbel para as familias traballadoras”.

Xabier P. Igrexas: "O Pleno enviou en nome da cidade unha mensaxe rotunda e clara: hai que acabar coas peaxes, non multiplicalas. O Goberno español de PSOE e Unidas Podemos ten que tomar nota e rectificar"

A iniciativa tamén reclamaba que a Xunta avance na supresión das peaxes nas estradas da súa titularidade, como son a AG55 e AG57.

Xabier P. Igrexas: “O que ten que facer o Goberno de Madrid é cumprir coa palabra dada con Galiza e poñer fin ao atraco das peaxes, non multiplicalas”.

Demandan tamén avanzar na supresión da peaxe da AG57, de titularidade da Xunta de Galiza. 

Denuncian que a falla de medios humanos e materiais compromete a capacidade e calidade asistencia da sanidade pública na área de Vigo.

A moción do Bloque rexeita a recente reforma da Lei galega de saúde, urxe a axilización dos procesos de vacinación e demanda que Xunta e Goberno español destinen os fondos de recuperación a reforzar a sanidade pública.

Xabier P. Igrexas: “É inaceptábel que haxa viguesas e vigueses que cando solicitan cita co seu médico ou médica, só teñan opción de telefónica e lla dean para doce ou trece días despois”

Propoñen a posta en marcha dun Plan de Reindustrialización, a intervención pública de Barreras, a creación dunha Mesa Galega da automoción, despregar unha liña de axudas municipais ao comercio e a hostalaría e rebaixar o IVE das perruquerías ao 10%.

Xabier P. Igrexas:  “Queremos poñer acima da mesa a principal preocupación das viguesas e os vigueses que é a situación económica, produtiva e laboral da cidade e pedir medidas concretas e reais para atallar os efectos desta crise”